«Твая матулька не дазволіць адабраць тваё жыццё» — флэшмоб супраць вайны ва Украіне ФОТЫ
Фота з дзіцячымі цацкамі і антываеннымі лістамі апублікаваў тэлеграм-канал «Союз Матерей». Паводле іх інфармацыі, такі флэшмоб супраць вайны ва Украіне, супраць адпраўкі беларускіх вайскоўцаў на вайну праводзяць беларускія маці.
Жанчыны, паводле «Союза Матерей», кладуць цацкі сваіх дзяцей на відным месцы з аркушом паперы, дзе пішуць сваё стаўленне да вайны:
«Вайна забівае і тых, хто застаўся ў жывых».
«Перастаньце забіваць дзяцей».
«Мой маленькі слонік, мой любы коцік, мой сынок. Твая матулька не дазволіць адабраць тваё жыццё».
Калі нехта рашыць далучыцца да флэшмобу, «Союз Матерей» дае рэкамендацыі:
— побач з цацкамі пакідайце надпісы, раздрукаваныя на друкарцы,
— пакідайце цацкі альбо там, дзе ў дадзены момант побач нікога няма, альбо ў пад'ездах,
— выдаліце фатаграфіі адразу пасля таго, як яны адпраўленыя ў ініцыятыву.
Каментары