У Верхнядзвінскім раёне мужчына з асаблівай жорсткасцю забіў маці
Пракуратура Віцебскай вобласці накіравала ў суд крымінальную справу па абвінавачанні жыхара Верхнядзвінскага раёна ў забойстве маці, учыненую з асаблівай жорсткасцю, паведамілі ў Генеральнай пракуратуры Беларусі.
Згодна з матэрыяламі справы, абвінавачаны 1984 года нараджэння доўгі час жыў з маці ў Верхнядзвінскім раёне. Мужчына не працаваў, улетку займаўся зборам грыбоў і ягад, перабіваўся выпадковымі заробкамі. Усё заробленае ён траціў на прадукты і спіртныя напоі, якія ўжываў з маці.
Падчас такіх алкагольных вячорак, па словах суседзяў, у іх доме часта ўспыхвалі сваркі. Сын нярэдка збіваў маці, за што раней ужо прыцягваўся да адміністрацыйнай адказнасці.
А ў адзін дзень жанчыну знайшлі мёртвай. Вынікі судова-медыцынскай экспертызы паказалі, што смерць жанчыны наступіла з-за траўматычнага шоку ад мноства нанесеных удараў па целе.
Падчас папярэдняга следства падазраваны сваю віну прызнаў поўнасцю і пацвердзіў намеры наўмысна пазбавіць маці жыцця.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары