Мужчына з Талачына глядзеў фоты сына і западозрыў, што дзіця не яго
У суд Талачынскага раёна звярнуўся мужчына, які ўсумніўся ў сваім бацькоўстве. Вывучаючы фатаграфіі дзіцяці, якое падрасло, ён пабачыў, што хлопец знешне на яго зусім не падобны.
Як вынікае з матэрыялаў справы, у 2017 годзе мужчына добраахвотна прызнаў непаўналетняе дзіця сваім і афіцыйна зарэгістраваў бацькоўства.
Аднак праз некаторы час, праглядаючы фатаграфіі дзіцяці ў сацыяльных сетках (адсюль можна меркаваць, што бацька з сынам не жыў), ён вырашыў, што падабенства паміж імі няма.
Мужчына звярнуўся ў суд з патрабаваннем выключыць звесткі пра яго як пра бацьку з запісаў актаў грамадзянскага стану.
Для праверкі аргументаў мужчыны суд прызначыў судова-медыцынскую генетычную экспертызу. Расходы на правядзенне даследавання, згодна з законам, былі ўскладзены на пазоўніка.
У выніку заключэнне эксперта цалкам абвергла сумненні мужчыны: яго бацькоўства было пацверджана. Верагоднасць склала 99,9999999999977%.
Для даведкі: у судовай генетыцы верагоднасць, вышэйшая за 99,99%, прызнаецца навукова даказаным фактам біялагічнай сваяцтва. Такі паказчык матэматычна і біялагічна цалкам выключае верагоднасць, што бацькам дзіцяці з'яўляецца які-небудзь іншы мужчына на планеце.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал5
Каментары