Міжнародную арганізацыю працы просяць заступіцца за зачыненыя беларускія прафсаюзы
Накіраваны ліст у Міжнародную арганізацыю працы з просьбай аб тэрміновым умяшанні ў сувязі з ліквідацыяй беларускіх незалежных прафсаюзаў.
Глабальны прафсаюз IndustriALL зрабіў заяву аб закрыцці незалежных прафсаюзаў Беларусі, у якой асудзіў дзеянні беларускіх уладаў і запатрабаваў вызвалення ўсіх прафсаюзных актывістаў, якія знаходзяцца ў зняволенні.
IndustriALL не прызнае рашэнне Вярхоўнага суда Беларусі аб спыненні дзейнасці пяці незалежных прафсаюзаў і працягне падтрымліваць свае сяброўскія арганізацыі БНП (Беларускі незалежны прафсаюз гарнякоў, хімікаў, нафтаперапрацоўшчыкаў, энергетыкаў, транспартнікаў, будаўнікоў і іншых работнікаў), СПБ (Свабодны прафсаюз металістаў), прафсаюз Радыёэлектроннай прамысловасці (РЭП).
Глабальны прафсаюз накіраваў ліст генеральнаму дырэктару Міжнароднай арганізацыі працы з просьбай аб тэрміновым умяшанні, у якім гаворыцца:
«IndustriALL самым рашучым чынам асуджае рашэнне суда, якое мы не прызнаём. Мы будзем працягваць аказваць дапамогу і ўсебаковую падтрымку незалежным прафсаюзам Беларусі, каб гарантаваць іх арганізацыйную стабільнасць».
На мінулым тыдні Вярхоўны суд Беларусі ліквідаваў усе беларускія незалежныя прафсаюзы.
Каментары