Прэзідэнт Турцыі Рэджэп Таіп Эрдаган згодны з Пуціным, што збожжа з Украіны «сыходзіць у багатыя краіны, а не ў бедныя».
«На жаль, збожжа, якое паступае ў збожжавых грузах, ідзе ў багатыя краіны, а не ў бедныя», — заявіў прэзідэнт Эрдаган на прэс-канферэнцыі ў Харватыі.
«Пакуль санкцыі супраць Расіі працягваюцца, спадара Пуціна турбуе той факт, што пастаўкі збожжа адбываюцца ў краіны, якія ўводзяць гэтыя санкцыі», — адзначыў турэцкі прэзідэнт.
З яго слоў, ён мае намер абмеркаваць гэтую тэму з Пуціным у Самаркандзе. «Мы спадзяваемся пачаць пастаўкі з Расіі», — дадаў Эрдаган.
Раней Пуцін заявіў, што толькі 2 з 87 караблёў, якія выйшлі з украінскіх партоў, былі загружаныя ў адпаведнасці з Сусветнай харчовай праграмай ААН, якая прадугледжвае дапамогу найбяднейшым краінам.
Ён назваў збожжавае пагадненне ашуканствам і заявіў, што хоча абмежаваць доступ украінскага збожжа на рынкі.
Украінскія ўлады настойваюць, што большая частка збожжа адпраўляецца ў парты Азіі і Афрыкі.
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць39
Упершыню за чатыры гады Белстат апублікаваў звесткі аб нараджальнасці і смяротнасці. Даныя жахаюць
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары