Аўто99

Грузія цалкам забараніла рээкспарт аўто ў Расію і Беларусь. Што гэта азначае для беларусаў на практыцы?

Днямі пачало з'яўляцца ўсё больш інфармацыі пра тое, што грамадзяне Беларусі больш не могуць вывезці машыну з Грузіі. Разабраліся, што змянілася.

Ілюстрацыйны здымак. Фота: «Наша Ніва»

Што адбываецца? 

Пасля таго, як у пачатку лета 2024 года літоўская мытня перастала афармляць транзіт у Беларусь для аўтамабіляў з ЗША з аб’ёмам рухавіка, большым за 1,9 літра, а таксама для гібрыдаў і электрамабіляў, літоўскі порт Клайпеда ў ланцужку дастаўкі такіх аўто быў заменены на грузінскі порт Поці.

Адметна, што на той момант у Грузіі ўжо амаль год дзейнічала забарона на рээкспарт машын у Беларусь і Расію, але гэтыя абмежаванні не распаўсюджваліся на фізічных асоб. 

Цяпер жа, як вынікае з паведамленняў у СМІ, а таксама па інфармацыі ад кампаній, што займаюцца дастаўкай аўто са Штатаў, у Грузіі з 15 мая перасталі афармляць экспарт на беларускі або расійскі пашпарт — нават калі прадаўцом выступае фізічная асоба.

Машыны беларусаў цяпер захраснуць у Грузіі, як некалі ў Літве?

На першы погляд можа падацца, што «лавачка» прыкрылася, але гэта не так. Для аўто з ЗША, якія дастаўляюцца з Грузіі ў Беларусь аўтавозамі, нічога не зменіцца, бо транспартныя кампаніі і кампаніі-пасярэднікі навучыліся адразу афармляць дакументы так, нібыта канчатковы пакупнік аўтамабіля — з Казахстана або Кыргызстана.

Падобна, што гэтая схема будзе працаваць, як і раней. А вось вываз машын з Грузіі ў Беларусь сваім ходам стане немагчымым, бо схема з перапродажам аўто праз грузінскую «вешалку»-фізасобу з 15 мая ўжо не працуе.

Гэтыя новаўвядзенні закрануць як тых, хто замаўляў машыну з ЗША і хацеў зэканоміць на дастаўцы, так і тых пакупнікоў і перакупшчыкаў, якія самастойна набывалі машыны ў Грузіі.

Рэч у тым, што ў Грузіі перапродаж аўтамабіляў са Штатаў — вельмі распаўсюджаны від бізнэсу. Таму прыгон амерыканскай машыны з гэтай краіны раней быў звычайнай справай. Такія аўто пакупнікі з Беларусі дастаўлялі сваім ходам, што цяпер стала немагчымым.

Глабальных змен, як гэта было ў выпадку з абмежаваннямі, якія летась увяла Літва, не адбудзецца. У большасці выпадкаў і падсанкцыйныя амерыканскія аўто працягнуць трапляць у Беларусь праз Грузію.

Аднак ахвотным набываць машыну з ЗША такім спосабам варта разумець, што гэтая схема знаходзіцца па-за законам.

Існуюць дзве асноўныя рызыкі

1. Фармальны ўласнік — не вы

Амаль на ўсім шляху з ЗША да Беларусі машына належыць не вам, а нейкай падстаўной кампаніі ці чалавеку з Казахстана або Кыргызстана. У выніку ў Беларусі ўжо хапае людзей, якія засталіся без грошай і без машыны, — праз тое, што фармальны ўласнік вырашыў стаць яшчэ і фактычным.

2. Змена пазіцыі Грузіі

Няма гарантыі, што з часам грузінскія ўлады не вырашаць узмацніць кантроль за рээкспартам аўтамабіляў у Казахстан і Кыргызстан.

Абмежаванні, уведзеныя 15 мая, многія назвалі спробай Грузіі дыстанцыявацца ад статусу краіны, праз якую Расія абыходзіць санкцыі.

Сачыце за лічбамі

Для разумення маштабаў: у 2024 годзе экспарт аўтамабіляў стаў ключавым кампанентам знешняга гандлю Грузіі, складаючы 37% ад агульнага экспарту краіны. Агульны аб’ём экспарту аўтамабіляў дасягнуў $2,43 мільярда. 

Для параўнання: у даваенным 2021 годзе экспарт аўтамабіляў з Грузіі склаў $417,6 мільёна, што адпавядала 10,9% ад агульнага аб’ёму экспарту. Асноўнымі кірункамі экспарту тады былі Азербайджан, Арменія і Украіна.

Ілюстрацыйны здымак. Фота: «Наша Ніва»

Аднак за апошнія гады змяніліся не толькі лічбы, але і асноўныя краіны — пакупнікі аўто. На першым месцы цяпер Кыргызстан, на другім — Казахстан (абедзве краіны ўваходзяць у ЕАЭС). А ранейшы лідар Азербайджан скаціўся на трэці радок. У сувязі з гэтымі зменамі ў СМІ нярэдка гучаць здагадкі, што частка машын, якія нібыта накіроўваюцца ў краіны Сярэдняй Азіі, у выніку асядаюць у Расіі.

А што можна прывесці без рызыкі?

Беларусы могуць набываць такія аўто ў ЗША:

— з аб’ёмам рухавіка да 1,5 літра і з любым клірэнсaм;

— з аб’ёмам рухавіка ад 1,5 да 1,9 літра і клірэнсам да 165 мм;

— аўтамабілі, старэйшыя за 5 гадоў, з аб’ёмам рухавіка, большым за 1,9 літра і клірэнсам да 165 мм.

Аўтамабілі, што адпавядаюць гэтым крытэрам, можна дастаўляць праз літоўскі порт Клайпеда.

Каментары9

  • санкцыі на галаперыдол
    21.05.2025
    Рэдакцыя - навошта расказваць пра спосабы абыхода санкцыяў?
  • Синий трактор
    21.05.2025
    санкцыі на галаперыдол , боишься, что из-за этого лавочку прикроют и твой биток со Штатов не успеет доехать ?

    Расслабься, всем давно все известно. Грузия на этом делает сумасшедшие бабки и там всех все устраивает.
  • О
    21.05.2025
    санкцыі на галаперыдол , якія не працуюць. Які сэнс у гэтых паўмерах?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»43

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць67

Сяргей Ціханоўскі абурыўся беларускай мовай Святланы Ціханоўскай96

Пастаўкі беларускага бензіну ў Расію дасягнулі рэкорднага ўзроўню4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць