У Беларусі склалі «мабільны» рэйтынг славутасцяў. Самая папулярная трохі нечаканая
Аператар мабільнай сувязі МТС падзяліўся статыстыкай мінулых майскіх святаў і высветліў, якія архітэктурныя помнікі карыстаюцца найбольшай папулярнасцю ў жыхароў і гасцей Беларусі, піша Office Life.
«Мабільны» рэйтынг склалі з дапамогай тэхналогіі абязлічаных звестак. У топ-20 тых месцаў, якія найбольш «пампаваліся», увайшлі архітэктурныя ансамблі, помнікі Другой сусветнай вайны і месцы паломніцтваў.
Лідарам «мабільнага» рэйтынгу стала Камянецкая вежа пад Брэстам. Менавіта каля гэтай славутасці турысты генеравалі больш за ўсё трафіку, адпраўляючы фота і відэа знакавага месца. У майскія выхадныя вежа адзначылася трафікам у 138 Гб у дзень.
У топ-5 таксама трапілі:
- мемарыяльны комплекс «Брэсцкая крэпасць-герой» (133 Гб);
- мемарыяльны комплекс «Курган Славы» (123 Гб);
- замкавы комплекс «Мір» (104 Гб);
- гісторыка-культурны комплекс «Лінія Сталіна» (100 Гб).
Далей месцы з 6-га па 20-е размеркаваліся так:
- Лідскі замак (100 Гб);
- Нацыянальны гісторыка-культурны музей-запаведнік «Нясвіж» (85 Гб);
- Сафійскі сабор у Полацку (69 Гб);
- Барысаглебская царква ў Гродне (66 Гб);
- Палацава-паркавы комплекс Манюшкі ў Смілавічах (65 Гб);
- Траецкі касцёл у Гервятах (56 Гб);
- Свята-Успенскі Жыровіцкі манастыр (50 Гб);
- Палац Румянцавых і Паскевічаў у Гомелі (49 Гб);
- Мемарыяльны комплекс «Хатынь» (46 Гб);
- Косаўскі палацава-паркавы комплекс (45 Гб);
- Храм Архангела Міхаіла ў Сынкавічах (45 Гб);
- Прылуцкі палацава-паркавы комплекс Чапскіх пад Мінскам (42 Гб);
- Гальшанскі замак (34 Гб);
- Наваградскі замак (31 Гб);
- Ружанскі палацавы комплекс роду Сапегаў (27 Гб).
Дарэчы, самым актыўным днём для ўнутранага турызму па трафіку стала 9 мая, калі карыстальнікі ў суме згенеравалі амаль 2,2 Тб інтэрнэт-трафіку, наведваючы гістарычныя месцы па ўсёй краіне. Як удакладнілі ў кампаніі, гэта ў 1,5 разы вышэй за сярэднядзённы паказчык.
У Жыровіцах дашчэнту разбіраюць барочную царкву XVIII стагоддзя
Занядбаны палац Радзівілаў прадаюць у тры тысячы разоў даражэй, чым некалькі гадоў таму
Пад Магілёвам зносяць недабудаваны храм, які абаранялі расійскія чарнасоценцы
БПЦ аслупавала сквер у гістарычным цэнтры Гомеля
Адну з найвялікшых сінагог Беларусі прадаюць у Кобрыне
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
Па-другое, нейкі топ Гомо савецікус.