Вядомы расійскі акцёр загінуў, пераганяючы ў Данбас машыну для расійскіх вайскоўцаў
Расійскі акцёр і рэжысёр Сяргей Пускепаліс загінуў у аўтакатастрофе ў Яраслаўскай вобласці. Мікрааўтобус, у якім ён ехаў пасажырам, урэзаўся ў грузавік.
Аварыя адбылася днём у аўторак на трасе «М8» у Растоўскім раёне Яраслаўскай вобласці. Мікрааўтобус Ford Transit урэзаўся ў грузавік, у выніку чаго загінулі два чалавекі і яшчэ адзін быў шпіталізаваны. Сярод загінулых быў і 56-гадовы Пускепаліс.
Як піша ТАСС са спасылкай на праваахоўныя органы, заслужаны артыст Расіі загінуў, пераганяючы з кіроўцам браніраваны мікрааўтобус для вайскоўцаў РФ у Данбас. Газета «Маскоўскі камсамолец» паведамляе, што ў аўтамабілі быў груз тэрмабялізны для вайскоўцаў.
Акцёр ездзіў у прарасійскія сепаратысцкія рэспублікі і распавядаў, што пераводзіў грошы на падтрымку сепаратысцкай арміі ў Данецку. Быў актыўным прыхільнікам расійскага ўварвання ва Украіну ў 2022 годзе, услед за расійскай прапагандай, называў яго «вымушанай мерай для барацьбы з нацызмам».
Азаронак напісаў пра палітэмігранта — пасля гэтага брата і бацьку таго кінулі за краты2
Каментары