У першым паўгоддзі гэтага года аб'ём венчурных інвестыцый у Беларусі скараціўся на 64% у параўнанні з аналагічным перыядам мінулага года, да $3,1 млн. Пра гэта гаворыцца ў даследаванні Dsight, якое паступіла ў «РБК».
Яго аўтары звязалі дынаміку з падтрымкай Мінскам палітыкі Расіі, а таксама адрэзанасцю ад сусветнага венчурнага капіталу. Фактычна адзінай крыніцай венчурных інвестыцый у краіне застаецца расійска-беларускі фонд RBF Ventures, які за першае паўгоддзе не здзейсніў ніводнай здзелкі, гаворыцца ў даследаванні.
«Відавочна, беларускім стартапам трэба будзе зрабіць такі ж складаны выбар, як і расійскім: працаваць на рынках СНД або сыходзіць на міжнародныя рынкі, што цягне за сабой неабходнасць рэлакацыі, але пры гэтым адкрывае доступ да фінансавання ад замежных фондаў», — указалі аўтары.
Венчурныя інвестыцыі (ад англ. venture — рызыкоўнае прадпрыемства) — гэта ўкладанні ў бізнес, які развіваецца або стартап, пра перспектывы паспяховасці якога пакуль нічога не вядома.
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары