Вальфовіч: Калі Зяленскаму патрэбныя назіральнікі на мяжы, то хай ён і запрашае
Дзяржаўны сакратар Савета бяспекі Аляксандр Вальфовіч пракаментаваў учарашнюю заяву прэзідэнта Украіны Уладзіміра Зяленскага пра неабходнасць прысутнасці місіі назіральнікаў на ўкраіна-беларускай мяжы, піша «СБ — Беларусь сегодня».
«Калі Зяленскаму патрэбны гэты кантынгент на мяжы, то хай ён запрашае. Нам гэты кантынгент абсалютна не перашкаджае, але ён нам і не патрэбны. Нам няма чаго кантраляваць і няма чаго хаваць», — сказаў Вальфовіч.
Акрамя таго, ён, як і раней старшыня Дзяржаўнага памежнага камітэта Анатоль Лапо, панаракаў на тое, што ўкраінскія памежнікі і іншыя сілавыя структуры цяпер узмоцнена ўмацоўваюць мяжу, «абараняючыся незразумела ад каго і для чаго». Маўляў, усё замініравалі, «і калі на гэтых мінах міратворчы кантынгент не падарвецца, напэўна, будзе шчасце».
Таксама Вальфовіч сказаў, што беларускія беспілотныя лятаючыя сродкі, якія ёсць на ўзбраенні ў органаў памежнай службы, нібыта не парушаюць украінскую мяжу, а вось украінскія, маўляў, рэгулярна: «Таму, напэўна, міратворчы кантынгент і будзе фіксаваць тыя парушэнні, якія зыходзяць сёння з боку Украіны ў дачыненні да Рэспублікі Беларусь».
Непрымальным на думку Вальфовіча будзе, калі гэты кантынгент будзе складацца з замежных войскаў.
Чытайце таксама:
Зяленскі запрасіў міжнародную місію на мяжу Украіны і Беларусі
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары