Неверагодныя беларускі. ТОП-7 літаратарак. Новае відэа на канале Андрэя Хадановіча
У нашым патрыярхальным грамадстве жанчыны не мелі і не маюць роўных магчымасцяў з мужчынамі, таму важна больш распавядаць і падтрымліваць жаночыя ініцыятывы ў беларускай літаратуры. Лавіце хіт-парад улюбёных беларускіх літаратарак Андрэя Хадановіча.
Паэт і блогер расказвае:
— хто з’яўляецца першапраходніцамі беларускай жаночай літаратуры;
— якое месца ў творчасці Алаізы Пашкевіч займае Украіна;
— вершы Ларысы Геніюш, якія служылі падтрымкай тым, каму найбольш патрэбныя;
— што найстрашнейшае на вайне — па меркаванні адной з гераінь твора Святланы Алексіевіч;
— як з’явіўся духоўны гімн Беларусі «Магутны Божа» на верш Наталлі Арсенневай;
— што за выпрабаванні выпалі на жыццё «палескай ластаўкі» Яўгеніі Янішчыц;
— як за тры кнігі паэзіі Таццяна Сапач стала адной з улюбёных паэтак Андрэя Хадановіча;
— Ева Вежнавец як адзіная жанчына — лаўрэатка прэміі Гедройця, і чаму яе перамога была бясспрэчнай.
Вось некалькі думак з новага відэа:
Украінскія старонкі займаюць значнае месца ў творчасці Цёткі. Мемарыяльная шыльда вісіць у яе памяць у Львоўскім універсітэце. Ёсць у яе верш «Суседзям у няволі». Голас акупаваных Расійскай імперыяй беларусаў, якія працягваюць руку паняволеным Аўстра-Венгерскай імперыяй украінцам.
Адна з абсалютных вяршыняў беларускай эмігранцкай літаратуры названая беларускімі рэжымнымі прапагандыстамі экстрэмісткай, але Наталля Арсеннева — аўтарка аднаго з самых культавых важных для нас гімнаў «Магутны Божа», якія напісаў на яе словы Мікола Равенскі. Сам верш называецца «Малітва», напісаны ў 1942 годзе ў Мінску пад нямецкай акупацыяй, але паглядзіце, якой універсальнай мовай — адчуванне, што аўтарцы баліць за ўсю Беларусь і ўсіх беларусаў, незалежна ад таго, з якога боку фронту і на якой пазіцыі яны.
Загадкавы выхад з акна на восьмым паверсе праз некалькі дзён пасля 40-годдзя знакамітай паэткі ў росквіце славы Яўгеніі Янішчыц. Самагубства, якое пакінула болей пытанняў, чым адказаў. Зрэшты, самагубства шматразова ў метафарах, а часам і прамым тэкстам прадказанае ў яе бліскучых вершах.
Беларуская жаночая літаратура яскравая, разнастайная, глыбокая і вельмі патрэбная нам сёння, таму глядзіце новы выпуск Андрэя Хадановіча ў новым фармаце, стаўце падабайкі, каментуйце і дзяліцеся гэтым відэа з сябрамі і сяброўкамі.
Глядзіце таксама:
Бойня №5 Вонэгута: мабілізацыя, бамбардзіроўкі, палон і чужая вайна. Новае відэа на канале Андрэя Хадановіча
«Чума» Альбера Камю і наша сучаснасць. Новае відэа Андрэя Хадановіча
«Што не так з беларусамі?» — балючая тэма Купалы. Новае відэа на канале Андрэя Хадановіча
Беларус супраць украінца на чужой вайне
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары