У канцы верасня пад крылом Аляксандра Лукашэнкі быў створаны брэнд Lepshy. Ён выпускае спартыўнае адзенне прэміум-класа, краму адкрылі ў гандлёвым цэнтры на Нямізе. Вось колькі каштуе бомбер адтуль.
Падарункам пахваліўся у тыктоку блогер з Гомеля Ігар Курыловіч, які атрымаў бомбер ад Лукашэнкі за ўдзел у спаборніцтве па сячэнні дроў. Ён паказвае этыкетку і кажа, што цана такога бомбера — 580 рублёў.
За брэнд Lepshy адказвае сенатар і былы кіраўнік Федэрацыі хакея Дзмітрый Баскаў. Сярод партнёраў — хакейны клуб «Дынама-Мінск».
Раней «Наша Ніва» пісала пра граматычны казус з назвай. Верагодна, стваральнікі брэнда хацелі выкарыстаць прыметнік у найвышэйшай ступені параўнання, то-бок назваць новы праўладны мерч найлепшым — самым лепшым з усіх магчымых. Але памыліліся і выкарысталі вышэйшую ступень параўнання, якая абазначае, што Lepshy — гэта ўсяго толькі тавар, лепшы за нешта іншае, але зусім не выключны ў сваёй галіне.
Новы праўладны мерч назвалі Lepshy. Тлумачым, чаму стваральнікі кепска ведаюць беларускую мову
Цяпер чытаюць
Азаронак напісаў пра палітэмігранта — пасля гэтага брата і бацьку таго кінулі за краты1
Каментары
Телячья кожа , шерсть мериноса ,брендовая фурнитура и набивка утеплителя.
Какой Хилфигер в таком формате будет от 500 евро по каталогу.