У Вяснянцы да выхадных падрыхтуюць кіламетровую лыжную трасу. Пра гэта «Мінск-Навінам» паведаміў начальнік Галоўнага ўпраўлення спорту і турызму Мінгарвыканкама Максім Варапай.
Паводле яго слоў, у мінулую пятніцу, 18 лістапада, на аб'екце пачалі працаваць снежныя гарматы. У панядзелак, 21 лістапада, самазвалы пачалі развозіць снег па будучым маршруце. Калі закальцуюць трасу, яе будзе ўтрамбоўваць спецтэхніка.
— Да выхадных падрыхтуем дыстанцыю ў адзін кіламетр, і ўсе ахвотныя змогуць пакатацца, — адзначыў М. Варапай. — Дадам, што ў гарналыжным цэнтры «Сонечная даліна» ідзе аснежванне схілу. Плануецца, што да выхадных тут таксама паспеюць нарасціць снежную падушку патрэбнай таўшчыні і адкрыюць схіл для катання.
Усяго ў гэтым сезоне ў Мінску хочуць абсталяваць 14 лыжных трас.
Каментары