Дзяржстандарт прызнаў небяспечнай прадукцыяй «Энцыклапедыю дашкольніка» пад рэдакцыяй Марыны Дружынінай, выдадзеную маскоўскім выдавецтвам «Высшая школа» і надрукаваную Смаленскім паліграфічным камбінатам. Прычына — няправільныя прабелы паміж словамі.
«Фактычна кегль асноўнага шрыфту склаў 5,3 мм. Пры гэтым з дзесяці пракантраляваных старонак у трох з пяці адвольна выбраных радках на кожнай старонцы мінімальны прабел паміж словамі роўны 1,65 мм, максімальны — 1,80 мм», — гаворыцца ў паведамленні ведамства.
Згодна з тэхнічным рэгламентам Мытнага саюза, прабел паміж словамі ў кнігах для дашкольнікаў павінен быць роўны кеглю шрыфту. Тут рэальны прабел разышоўся з нормай ажно ў тры разы.
У выніку кнігу забаронена ўвозіць і прадаваць у Беларусі, а парушэнні прадпісана выправіць.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага14
Каментары