Сёння мінула 7 сутак з часу затрымання слонімскага краязнаўцы, журналіста і пісьменніка Сяргея Чыгрына. Але на волю ён так і не выйшаў, паведамляе «Гарадзенская праваабарона».
Чыгрына затрымалі ў мінулую пятніцу, 16 снежня, пасля чаго яму прысудзілі 7 сутак адміністрацыйнага арышту.
Паводле атрыманай інфармацыі, на пісьменніка складзены новы пратакол паводле ч. 2 арт. 19.11 КаАП («Распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў, альбо выраб, выданне, захоўванне з мэтай распаўсюду такой інфармацыі»).
У панядзелак, 26 снежня, у Слоніме літаратуразнаўцу чакае новы судовы працэс па адміністрацыйнай справе і, мяркуючы па сітуацыі, новы арышт.
«Главное»: хто стаіць за найбольшай сеткай рэгіянальных тэлеграм-каналаў Беларусі. Яе сляды вядуць у Расію4
Каментары