Амерыканскі гоншчык і шоўмен Кен Блок памёр у 55 гадоў. Ён загінуў у аварыі са снегаходам. ДТЗ адбылося ў штаце Юта. Пра гэта паведаміла гоначная каманда Hoonigan Racing Division.
![](http://nnexpictures.fra1.digitaloceanspaces.com/img/w732d4webp1/photos/z_2023_01/kenblock-ujmey.jpg.webp)
«З глыбокім шкадаваннем мы можам пацвердзіць, што Кен Блок загінуў сёння ў аварыі на снегаходзе. Кен быў першапраходцам і іконай. Нам будзе неверагодна яго не хапаць», — гаворыцца ў паведамленні Hoonigan у інстаграме.
Кен Блок — адзін з заснавальнікаў кампаніі па вытворчасці абутку для спорту і скейтбордынгу DC Shoes. Ён вырашыў паспрабаваць сябе ў гонках, калі яму было амаль 40 гадоў, і пачаў удзельнічаць у ралі з камандай Vermont SportsCar. У 2006 годзе Кен Блок падпісаў новае пагадненне аб спонсарстве DC Rally з Subaru. У 2010 годзе каманда Monster World Rally абвясціла Кена Блока сваім гоншчыкам для некалькіх этапаў чэмпіянату свету па ралі.
Каментары