Лукашэнка: Многія кажуць, што ці то Пуцін, ці то сілавікі кіруюць краінай
Гэта ён заявіў 24 студзеня на нарадзе, прысвечанай грамадска-палітычнаму становішчу ў краіне.
«Я даручаў адміністрацыі з удзелам грамадскасці прапрацаваць гэтае пытанне і прыкласці яго рашэнне. Ну чаму з удзелам грамадскасці. Многія кажуць, што вось Лукашэнка тут ужо не кіруе краінай, ці то Пуцін, ці сілавікі кіруюць краінай, — адзначыў Аляксандр Лукашэнка.
— Я ўжо на гэтую тэму неяк выказваўся і хачу падкрэсліць. Я выконваю свае абавязкі згодна з Канстытуцыяй сваёй краіны, як кіраваў краінай, так і кірую.
Што тычыцца сілавікоў, то пагадзіцеся, яны адыгралі сваю ролю ў 2020 годзе. Яны тады не падвялі мяне ў цэлым.
Касякі тады былі ў кожнага. Але ў цэлым яны выконвалі пастаўленыя задачы. Яны ведаюць і я ведаю, што адбылося, і як мы супрацьстаялі кожную хвіліну. Я быў у тэме, аддаваў адпаведныя распараджэнні, і сілавыя падраздзяленні не спатыкнуліся, не адступілі і нідзе па вялікім рахунку не праваліліся. Вядома, я сёння ўлічваю іх меркаванне. Для мяне вельмі важнае меркаванне маіх хлопцаў, якія служаць сёння ў спецпадраздзяленнях: «Альфа», «Алмаз», АСАМ, АМАП, вайсковыя людзі, якіх мы прыцягвалі для таго, каб навесці парадак. Унутраныя нашы войскі — хлопцы стаялі тут насмерць. Вядома, я бязмерна іх паважаю, аддаю належнае і ўлічваю іх меркаванне», — заключыў Лукашэнка.
Цяпер чытаюць
На купянскім кірунку загінуў беларускі добраахвотнік Аляксей «Рыжы» Аўдзей13
Каментары
Ты здраднік Беларусі і беларускага народу, міжнародны злачынца, памагаты ў ваенных злачынствах і генацыдзе.
Будзь ты прокляты разам са сваімі дзяцьмі.