У Гомелі жанчыну выселілі з інтэрната проста на вуліцу. Яна маці двух дзяцей, але гэта ў залік не пайшло
Жанчына страціла працу на прадпрыемстве «Савецкае» праз прагулы, а разам з ёй — і пакой у інтэрнаце, які быў ёй дадзены прадпрыемствам. Аднак праблемы ў яе пачаліся яшчэ раней: за паўтара года яна заплаціла за інтэрнат толькі двойчы, а яе доўг разам з пеняй перавысіў 2 тысячы рублёў, піша «Белка».
Гісторыя прыцягнула ўвагу журналістаў, калі яны ўбачылі сярод рэчаў, што стаялі на вуліцы, дзіцячы ложак. Аказалася, у жанчыны дзве дачкі, але іх раней у яе забралі — з-за псіхічнага стану маці. Старэйшую забралі яшчэ ў 2016 годзе: у доме не было ні падлогі, ні мэблі, дах працякаў, а маці не магла даглядаць за дзіцём — у 12 гадоў дзяўчынка нават не ведала, што такое расчоска.
Пазней жанчыне далі шанец — працу ў якасці прыбіральшчыцы і пакой у інтэрнаце. Але яна зноў не спраўлялася: прагулы, цяжарнасць, а пасля нараджэння дзіця забралі адразу ў сацыяльны прытулак. Калегі і суседзі дапамагалі ёй, прыносілі рэчы для дзіцяці, але маці больш нічога не рабіла.
З-за рэгулярных прагулаў яе звольнілі, доўг за інтэрнат рос — 150 рублёў яна заплаціла толькі двойчы. У выніку суд пастанавіў выселіць яе без надання іншага жылля. Па законе гэта магчыма, калі чалавек больш за паўгода не аплачвае камунальныя паслугі без уважлівых прычын.
Але канец гэтай гісторыі не самы дрэнны — жанчыну прытуліў бацька яе другога дзіцяці, хоць яны і не ў афіцыйных адносінах.
Сяргея Чалага збіраюцца прымусова высяляць з мінскай арэнднай кватэры
Даўжнікам па камуналцы ў Беларусі забараняюць атрымліваць тавары на Wildberries
«Прыязджаюць нават з горада, каб на свае вочы ўбачыць гэты «лакшэры хаус». У Гродне сям'я «плюшкіных» жыве практычна пад адкрытым небам на захламленым участку
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага9
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу100100
Каментары