У Расіі выбухнуў беспілотнік з боепрыпасамі — пацярпелі два чалавекі
Магутны выбух прагрымеў у Кірэеўску пад Тулай у нядзелю, 26 сакавіка.
Наступствы выбуху ў Кірэеўску Тульскай вобласці Расіі
Як паведамляюць экстранныя службы, выбух адбыўся у 15:19, двое пацярпелых — 2002 і 2006 года нараджэння. Яны атрымалі аскепкавыя раненні, ім аказана медыцынская дапамога, іх жыццю нічога не пагражае.
На месцы выбуху ўтварылася варонка глыбінёй 5—8 метраў.
Пашкоджаны тры жылыя дамы, выбуховай хваляй вынесла вокны ў шматпавярховіку.
Каментары