Грамадства33

Сілавікі заявілі пра затрыманне «спячай ячэйкі» ў гаражным кааператыве

Чарговыя палітычныя затрыманні адбыліся ў Гомелі.

Скрыншот відэа праўладнага канала

На міліцэйскім відэа бачна, як група сілавікоў у поўным абмундзіраванні ўваходзіць у будынак і кладзе тварам у падлогу аднаго з мужчын.

Як доказ іх віны паказалі выяву бела-чырвона-белага сцяга на сцяне гаража, намаляваны фарбай на цэгле герб «Пагоня», партрэт Чэ Гевары.

Як вынікае з відэа, затрымана чацвёра мужчын.

«Спячая ячэйка экстрэмістаў у гаражным кааператыве», — напісаў праўладны гомельскі канал.

Злева направа і зверху ўніз: Дзмітрый Папкоў, Ігар Чарнавусаў, Канстанцін Гвоздзеў і Уладзімір Каменнаў

На відэа — 35-гадовы Дзмітрый Папкоў, 34-гадовы Ігар Чарнавусаў, 32-гадовы Канстанцін Гвоздзеў і 34-гадовы Уладзімір Каменнаў. Усе яны гамельчукі і старыя сябры.

Адзін з іх кажа на відэа, што стварыў групу, дзе яны перапісваліся з сябрамі. Іншы кажа, што падчас вайны нібыта некалькі разоў абразіў Лукашэнку ў гэтым чаце. Трэці прызнаецца ў «няправільных» каментарах.

Паказальна, што мужчын прымушаюць у відэа называць вайну «спецыяльнай ваеннай аперацыяй».

Ці заведзены на затрыманых крымінальныя справы, не ўдакладняецца.

Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу. З 2022 года, пасля нападу Расіі на Украіну, беларусаў пачалі праследаваць таксама за антываенныя выказванні або за сімпатыі да Украіны, якая змагаецца за сваю незалежнасць і тэрытарыяльную цэласнасць. За гэты час у краіне адбылося каля 50 тысяч палітычна матываваных затрыманняў, заведзена каля 12 тысяч палітычна-крымінальных спраў і адкінутыя базавыя нормы законнасці і маралі.

«Круцілі, грамілі, фатаграфавалі». Што вядома пра затрыманні ў Ляхавічах, Мёрах, Полацку, Бабруйску, Круглым

Каментары3

  • Lanuifera
    31.03.2023
    Адно панятна няма у Беларусі беларускіх сілавікоў ёсць рускіе прыслужнікі.
  • Цыбуля
    31.03.2023
    Опа, Че Гевара уже тоже под запретом? Вроде был другом советского народа..
  • Простая праўда
    02.04.2023
    Цыбуля, Так. Савецкія ідэолагі таксама ўшаноўвалі Кастуся Каліноўскага як героя вызваленьня Беларусі. Але лукашэнкаўская дыктатура яго паклёпнічае. 

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць