Грамадства3131

Лукашэнка адказаў, на каго гатовы абмяняць палітвязня Пачобута

Падчас паслання Аляксандра Лукашэнкі да яго звярнуліся з пытаннем пра абмен Андрэя Пачобута. Юрый Васкрасенскі запытаў, які адказ будзе польскім уладам, якія гатовы на гэты абмен.

Андрэй Пачобут. Фота: БелТА

Задаючы сваё пытанне, Юрый Васкрасенскі наўмысна сказіў прозвішча палітвязня. Аляксандр Лукашэнка ў сваім адказе спачатку назваў прозвішча дзеяча польскай нацыянальнай меншасці правільна, пасля таксама пачаў перакручваць.

«Яны прапануюць нам абмяняць Пачобута на нейкі кавалак мяжы. На «Баброўнікі», пункт пропуску. Калі мне прапанавалі, я наогул быў у жаху. Як можна чалавека абмяняць на пункт пропуску? Ну не трэба вам гэты пункт — добра, закрывайце. Мы туды практычна не едзем у мэтах эканомікі і дзяржаўных інтарэсаў. Але абмен дык абмен, — заявіў Аляксандр Лукашэнка.

— Магу сёння публічна (я яшчэ не даручаў нашым адпаведным органам і вам пра гэта не казаў), але скажу публічна:

калі яны хочуць Пачобута гэтага ці Пачабута абмяняць на нешта, ну дык у нас у Польшчы Лахушкі (так Лукашэнка называе аднаго з лідараў апазіцыі Паўла Латушку. — НН). Але мяняць Лахушку на Пачабута адзін на адзін я не пагаджуся, усю групу сюды. Яны там — як гэта, НАУ, ГАУ, як называецца гэты ўрад на чале з ім — сюды гэты ўрад на чале з Лахушкам, і я аддаю Пачабута.

Перадай ім, да вечара вырашым пытанне».

Выказаўся Лукашэнка і наконт Святланы Ціханоўскай.

«Святлане дамоў трэба ехаць. Ну колькі ёй далі, 10—12 год за супрацьпраўную дзейнасць? (Ціханоўскай завочна прысудзілі 15 год. — НН) Ну, пакуль з Сяргеем у адной камеры пасядзіць. Спецадзенне шыла б нейкае, дзеці прыязджалі б, нейкі рэжым стварылі б. Ну са сваім мужыком бы жыла», — заявіў Аляксандр Лукашэнка ў адрас сваёй канкурэнткі на выбарах.

Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу. З 2022 года, пасля нападу Расіі на Украіну, беларусаў пачалі праследаваць таксама за антываенныя выказванні або за сімпатыі да Украіны. За гэты час у краіне адбылося каля 50 тысяч палітычна матываваных затрыманняў, заведзена каля 12 тысяч палітычна-крымінальных спраў і адкінутыя базавыя нормы законнасці і маралі.

Каментары31

  • Lag behind
    31.03.2023
    На колю і шпіца.
  • Лвьв
    31.03.2023
    [Рэд. выдалена]
  • фэйспалм
    31.03.2023
    [Рэд. выдалена]

Цяпер чытаюць

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Усе навіны →
Усе навіны

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?17

больш чытаных навін
больш лайканых навін

Крымскі мост зруйнаваны ўдарам украінскіх ракет48

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць