«Кодэкс гонару камуністаў спісаны з біблейскіх запаветаў». Караеў пахваліў сталінскія часы
Памочнік Лукашэнкі, інспектар па Гродзенскай вобласці Юрый Караеў расказаў, як трэба выхоўваць моладзь і ў якім спорце месца жанчынам.
Вядучая СТБ спытала ў яго, як зберагчы пакаленне ад «негатыўных заходніх ціскаў».
«Вельмі добра атрымлівался да 1947, да 1950 года. Калі ідэалогія савецкая — няхай яна ў нечым была неідэальная, недасканалая, але яна ж была заснавана на добрым. На добрых памкненнях людзей: роўнасці, братэрстве, свабодзе, сумленнасці. Як кажуць, кодэкс гонару камуністаў спісаны з біблейскіх запаветаў,
— адказаў у эфіры Караеў. — У прынцыпе тое, што прапаведавалася, было абсалютна правільна. Там нічога кепскага не гаварылася.
Трэба не шкадаваць грошай на культуру, кіно, мастацтва, наша, айчыннае».
Караеў таксама старшыня Беларускай федэрацыі кікбоксінга і тайскага бокса. Ён выказаў сваё меркаванне адносна ўдзелу жанчын у гэтых відах спорту.
«Я падзяляю погляд, што жанчыны павінны быць у мастацкай гімнастыцы і фігурным катанні. А там, дзе штангі штурхаюць, там, дзе б'юцца, — я супраць гэтага. Але, паглядзеўшы на дзяўчат у тайскім боксе, я ўбачыў, што яны прыгожыя, жаноцкія», — падзяліўся Юрый Караеў.
Караеў патлумачыў, чаму «балота» лепшае, чым тое, чаго хацелі беларусы ў 2020-м
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў79
Каментары
Выглядае як адзін з самых кароткіх анекдотаў.