Паведамленне было лаканічным:
«Я дома. Дзякуй усім, хто непакоіўся».
Праваабаронцам стала вядома, што 27 красавіка ў судзе Кастрычніцкага раёна Мінска разглядалі справу супраць Аляксандры Захарык. Суддзя Іна Сівец прызначыла спявачцы пакаранне, не звязанае з пазбаўленнем волі (тэрмін і від пакарання праваабаронцам пакуль невядомыя). У выніку Аляксандру вызвалілі ў зале суда.
Аляксандру Захарык затрымалі сёлета 30 студзеня. 34-гадовую жанчыну абвінавачвалі ў «арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх».
Захарык — джазавая спявачка, удзельніца шоу «Голас». У 2009 і 2016 гадах яна выходзіла ў фінал нацыянальнага адбору на «Еўрабачанне». Акрамя таго, Аляксандра выступала з гуртом Apple Tea і працавала над уласным праектам ZAKHARIK.
Цяпер чытаюць
Сталі вядомыя новыя падрабязнасці лютаўскага жорсткага нападу на сям’ю пад Смалявічамі2
Каментары