На віленскім рынку ў раёне Каралінішкі закрылі нелегальную аптэку, у якой прадавалі прэпараты з Беларусі і Расіі. Мужчыну, які гандляваў гэтымі прэпаратамі, пагражае штраф памерам 140—300 еўра і канфіскацыя тавару, піша madeinvilnius.lt.
Віленская паліцыя атрымала інфармацыю аб тым, што ў сталіцы на Каралінішскім рынку прадаюць беларускія і расійскія лекі. 1 чэрвеня паліцыя, правяраючы гэтую інфармацыю, заўважыла мужчыну, які гандляваў рознымі прэпаратамі без неабходнай ліцэнзіі.
Лекі прадаваў грамадзянін Беларусі. У яго знайшлі і канфіскавалі больш за 120 найменняў прэпаратаў, усяго 472 упакоўкі.
Праваахоўныя органы Літвы пачалі расследаванне па гэтым адміністрацыйным правапарушэнні. Беларусу пагражае штраф памерам 140—300 еўра і канфіскацыя лекаў.
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Каментары