Ад 700 да 7000 даляраў у месяц. Што за катэджы і пачым здаюць у Мінску ў доўгатэрміновую арэнду
Паглядзелі, якія катэджы і па якіх цэнах здаюць у доўгатэрміновую арэнду ў Мінску і ваколіцах. Варыянты — ад дамоў з рамонтам з 90-х да шыкоўных сядзіб з тэнісным кортам.
З басейнам і лазняй
Напрыклад, за такія грошы можна арандаваць дом у вёсцы Драздова, што за 1,5 км ад МКАД.
Агульная плошча драўлянага дома — 150 «квадратаў». У доме ёсць 4 жылыя пакоі, басейн і лазня, на двары ёсць месца для барбекю. Дом цалкам гатовы да пражывання, ёсць паравое ацяпленне на газе.
Але, гледзячы па інтэр'ерах, ён больш паходзіць на дом, у якім хочацца жыць толькі па выходных і падчас вакацый.
Міні-катэдж
Вэлкам у 90-я
Роўна за 1000 даляраў здаюць у арэнду велізарны катэдж у Валяр'янаве. Агульная плошча будынка — 360 м².
Звонку па сваім размаху дом выглядае, як і многія катэджы, якія пачалі будаваць у 90-х. Але рамонт у доме далёка не шыкоўны. Нават па мерках тых самых дзевяностых і нулявых.
Усяго ў доме 5 жылых пакояў, ёсць камінны пакой. Кухня з выхадам у сталовую. На ўвесь дом 3 санвузлы.
Дом з культурнымі і добразычлівымі суседзямі
У крокавай дасяжнасці — Цнянскае вадасховішча
За 1300 даляраў здаюць яшчэ адзін велізарны катэдж, які знаходзіцца ў межах Мінска. Дакладная плошча будынка невядомая, але па фота бачна, што дом прасторны.
Здаецца дом без мэблі. Гаспадар у апісанні пазначыў, што ў крокавай дасяжнасці ад дома — Цнянскае вадасховішча.
Інтэр'еры ў доме не самыя сучасныя. На столі можна ўбачыць касітоны.
Басейн і лазня на цокальным паверсе
«Дом раней у арэнду не здаваўся, у ім жылі толькі ўласнікі. Шукаем арандатараў без хатніх жывёл», — пазначана ў апісанні.
Дом з уласнай трэнажорнай залай
Што тычыцца самых дарагіх прапаноў па арэндзе катэджаў, то ў Мінску і раёне ёсць два дамы па 7 тысяч даляраў за месяц.
Дом з тэнісным кортам
Як пазначана ў апісанні да аб'екта, на тэрыторыі катэджа месціцца басейн і тэнісны корт. Агульная плошча — 500 «квадратаў».
Зыходзячы з апісання да аб'екта, можна прыйсці да высновы, што ў гэтым месцы агенцтва, якое размясціла аб'яву, мае адразу некалькі элітных катэджаў, якія здаюцца ў арэнду, бо гаворыцца пра іх у множным ліку.
Катэдж на 1000+ квадратаў
Дом быў пабудаваны ў 2010 годзе. Яго агульная плошча складае больш за 1000 «квадратаў», а жылая — 614. Толькі кухня займае 43,4 м².
Інтэр'еры выкананы ў класічным стылі. Дом цалкам мэбляваны, абсталяваны тэхнікай і гатовы для камфортнага жыцця і адпачынку.
Чытайце таксама:
Спатрэбілася тры гады і $200 000. Як выглядае незвычайны дом-зямлянка беларускага архітэктара
Прадаюць кватэру за 750 тысяч даляраў у мінскай «сталінцы» на Бранявым
Вакол Мінска выставілі на продаж рэкордную колькасць дамоў
Каментары