Выбух на бульвары Шаўчэнкі ў Мінску 17 снежня 2022-га быў групавым суіцыдам — СК
Тады загінула шэсць чалавек. Цяпер следчыя сцвярджаюць, што выбух наўмысна выклікала двое жыльцоў гэтага дома, якія разлілі ў кватэры каля 10 літраў вадкасці, а пасля пашкодзілі газавую трубу і выклікалі выбух.
Пажар у доме на бульвары Шаўчэнкі ў Мінску адбыўся каля трэцяй гадзіны ночы 17 снежня мінулага года. Падчас яго загінула шэсць чалавек, у тым ліку 11-гадовае дзіця. Тры чалавекі ў цяжкім стане былі шпіталізаваныя.
МНС тады паведамляла, што прычынай пажару мог стаць выбух пароў лёгкаўзгаральнай вадкасці. Пра гэта сведчылі знойдзеныя ў адной з кватэр ёмістасці, у якіх захоўвалася гэтая вадкасць.
Цяпер следчыя сцвярджаюць, што выбух наўмысна выклікала двое жыльцоў гэтага дома, якія разлілі ў кватэры каля 10 літраў вадкасці, а пасля пашкодзілі газавую трубу і выклікалі выбух. У выніку загінулі як самі, дык і яшчэ адна сям'я з таго самага пад'езда. Пацярпелі таксама іншыя выпадковыя людзі.
Крымінальная справа па гэтым факце цяпер спыненая дзеля таго, што мужчына і жанчына, якія такім чынам спрабавалі ўчыніць «групавы суіцыд», загінулі падчас выбуху.
Нядаўна паведамлялася, што падобным чынам імкнуўся скончыць жыццё самагубствам цяжкахворы пенсіянер з Добрушскага раёна на Гомельшчыне. У ягоным выпадку, праўда, людскіх ахвяр не было, застаўся жывым нават ён сам. У той жа час дом зараз мусіць пайсці пад знос.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі45
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары
А чаму загінулі людзі і згарэла кватэра аж на чацвёртым паверсе, хоць самагубцы былі на другім і з іншага боку, так і не патлумачылі? Ім нібыта ўваходныя дзверы выбіла выбухам, але як перакінуўся пажар, і чаму не ўратаваліся людзі - не зразумела.