Верхнядзвінскага прадпрымальніка пакаралі арыштам за «экстрэмізм»
Суддзя суда Верхнядзвінскага раёна Таццяна Кукліна 11 ліпеня за распаўсюд «экстрэмісцкіх» матэрыялаў у сацыяльных сетках арыштавала на 15 сутак мясцовага прадпрымальніка Вячаслава Дэмбоўскага. Судовае пасяджэнне прайшло без удзелу «правапарушальніка», хаця ў міліцыі з пратаколам аб адміністрацыйным правапарушэнні ён быў згодны, піша «Віцебская вясна».
На судовым пасяджэнні паведамлялі, што, згодна з рапартам інспектара Мёрскага РАУС, падчас маніторынгу інфармацыі сацыяльнай сеткі «Аднакласнікі» ў асабістым профілі Вячаслава меліся спасылкі на інтэрнэт-супольнасці «Stop Luka» і «Мая краіна Беларусь», якія ўлады залічылі да «экстрэмісцкіх».
Пасля даследавання ўсіх пісьмовых матэрыялаў суддзя Кукліна прыйшла да высновы, што віна Дэмбоўскага даказаная ў здзяйсненні ім правапарушэння, прадугледжанага ч. 2 арт. 19.11 КаАП, і пастанавіла арыштаваць мужчыну на 15 сутак з моманту яго фактычнага затрымання.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»8
Каментары