У Беларусі ўвялі больш строгія патрабаванні да арганізатараў выезду дзяцей за мяжу. Адпаведную пастанову 20 жніўня падпісаў прэм’ер-міністр Аляксандр Турчын.
Дакумент вызначае парадак выезду непаўналетніх за межы Беларусі ў складзе арганізаваных груп, у тым ліку для ўдзелу ў міжнародных мерапрыемствах.
Цяпер на арганізатараў дзіцячых груп і асоб, якія суправаджаюць непаўналетніх, ускладаецца адказнасць за гарантаванне бяспекі дзяцей. Гэта тычыцца ўсяго перыяду паездкі — як дарогі да месца прызначэння і назад, так і знаходжання дзяцей за мяжой.
Увядзенне новых патрабаванняў адбылося пасля надзвычайнага здарэння ў Расіі ў чэрвені. Тады аўтобус з беларускай дзіцячай футбольнай камандай, якая ехала з Рэчыцы ў Геленджык на аздараўленне і трэніроўкі, пацярпеў у выніку атакі беспілотнікаў у Бранскай вобласці. Загінула жанчына, якая суправаджала дзяцей, яшчэ восем чалавек атрымалі раненні.
Пасля гэтага Аляксандр Лукашэнка даручыў не дапускаць выезду дзіцячых груп за мяжу без дзяржаўнага кантролю і адпаведнага дазволу.
Пры гэтым Лукашэнка адзначаў, што прыватная кампанія, якая арганізавала паездку, дзейнічала законна, таму прэтэнзій непасрэдна да яе ён не выказваў. Ён заклікаў бацькоў больш асцярожна падыходзіць да арганізацыі замежных паездак дзяцей, асабліва ва ўмовах ваенных рызык за межамі Беларусі.
Мадэль з Мінска ў Геленджыку: «З вечара сірэна за сірэнай. Выбухі. Мы з дзіцём у туалеце ляжым»
Дрон упаў на пляж пад Геленджыкам, куды ездзіць шмат беларускіх турыстаў — загінулі шэсць чалавек ВІДЭА
СК РФ назваў прозвішчы адказных і выканаўцаў, хто, па яго версіі, атакаваў аўтобус з беларускімі дзецьмі пад Бранскам
«Бачу, нешта шэрае ляціць. Атрымала асколак». Пацярпелыя дзеці з аўтобуса распавялі, што здарылася ў Бранскай вобласці
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары