Грамадства44

«Не всё так однозначно». Палітолаг патлумачыў, чаму расіяне так лёгка пагаджаюцца падпальваць ваенкаматы

Магчымасць маніпулявання людзьмі спецыяліст звязвае з уздзеяннем маніпулятыўнага тэлебачання, якое за дзесяцігоддзі ўзгадавала «пакаленне Ren TV».

 An attempt to set fire to the Military Commissariat Попытка поджечь военный комиссариат Спроба падпалу ваенкамата

Як паведамлялася, за апошнія суткі ў Расіі спрабавалі падпаліць адразу дзевяць ваенкаматаў. Амаль усе падпальшчыкі спасылаліся на тое, што яны гэта зрабілі пасля званка ашуканцаў.

Як піша ў сябе ў фэйсбуку палітолаг Максім Маханькоў, цікава ва ўсіх гэтых гісторыях тое, што людзей пераконвалі зрабіць падпал ці то тэлефонныя махляры, ці то «агенты ФСБ». Так, аднаго з мужчын па тэлефоне пераканалі падпаліць ваенкамат і пратараніць браму, каб нібыта «атрымаць доступ да дакументаў, якія адпраўляюцца з ваенкамата ва Украіну».

«Здавалася б, у любой нармальнай краіне такое было б проста немагчыма. Калі б нехта па тэлефоне прапанаваў зрабіць такое шведу або паляку, яны б альбо звярнуліся ў паліцыю, альбо проста праігнаравалі такое. Чаму ж наіўныя расіяне вядуцца на такія прымітыўныя разводы, і пагаджаюцца ў такім удзельнічаць?» — задаецца пытаннем палітолаг.

На яго погляд, віною гэтаму тэлебачанне, якое паказвае перадачы пра канспіралогію і фільмы, у якіх усё адбываецца адпаведна з таемнымі схемамі. За дзесяцігоддзі яно выхавала «пакаленне Ren TV» — расіян (а з імі разам многіх украінцаў і беларусаў), якія адвучыліся крытычна мысліць, і заахвоціла дэтэрмінізм, які вучыць, што падзеі цалкам прадвызначаюцца прычынамі, якія існавалі раней. Паводле дэтэрмінізму, для выбару і, адпаведна, асабістай адказнасці ў людзей, па сутнасці, няма месца.

«Дзесяцігоддзямі расіян замбавалі, што «не всё так однозначно», што «настоящей правды не существует», што «всё уже решено за нас» і «им сверху лучше видно», што «мы люди маленькие», і што калі адбываецца нешта важнае і рэзананснае, то «это кому-нибудь нужно», — заўважае палітолаг.

Як тлумачыць спецыяліст, расійская і лукашэнкаўская прапаганда падае ўсе палітычныя і сацыяльныя падзеі ў свеце праз гэтую ж прызму: не як вынік волі людзей і актыўнасці грамадства, а як вынік маніпуляцыі і сацыяльнай інжынерыі людзей з уладай і грашыма, «праектаў» і «паліттэхналогій». Дзе ўсё вырашаецца не публічна, а пад дыванамі і за закрытымі дзвярыма.

Толькі ў такой карціне свету, на думку эксперта, можа нарадзіцца чалавек, які без пярэчанняў і крытычных пытанняў паверыць тэлефоннаму «супрацоўніку спецслужбы» і пойдзе на штурм ваенкамата, каб паўдзельнічаць у «таемнай спецаперацыі», нават не спытаўшы сябе: «А нашто?».

Палітолаг адзначае, што ўкраінскія спецслужбы паспяхова намацалі болевыя пункты расійскага грамадства і навучыліся на гэтым іграць.

Чытайце яшчэ:

За апошнія суткі ў Расіі спрабавалі падпаліць адразу дзевяць ваенкаматаў

«Усе хлусяць». У чым корань пуцінскай ідэалогіі?

У Расіі гарэлі два ваенкаматы

Каментары4

  • Mafkees
    01.08.2023
    Знаменитые украинские колл-центры выносят оркам содержимое черепных коробок так,что те бегут поджигать военкоматы. Боевые украинские колл-центры.)
  • даведка
    01.08.2023
    В Беларуси поджигают служебный транспорт милиции, в России военные комиссариаты...
  • даведка
    01.08.2023
    Белорусские власти, видимо, это поняли и "ушли" СТВ с платформы «РЕН ТВ» на старые сезоны сериалов НТВ.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка48

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка

Усе навіны →
Усе навіны

Уолц і яго каманда выкарыстоўвалі неабароненую пошту Google для дзяржаўных спраў7

Пазнаёмцеся з The Beatles: рэжысёр новых фільмаў пра ліверпульскую чацвёрку прадставіў выканаўцаў галоўных роляў

Лукашэнка падпісаў дырэктыву, якой забараніў бессэнсоўныя нарады12

Памятаеце старшыню Геральдычнай рады, якая распрацоўвала дызайн пашпарта «Новай Беларусі»? Мікіта Забуга пайшоў ваяваць23

Артыкул пра тое, што Скарына сябраваў з Калумбам і наведаў Новы свет — першакрасавіцкі жарт2

Дактары заклікаюць байкераў абараняць не толькі галаву: рэдкі выпадак вывіху яечка1

Латушка: Мельнікава вылецела за межы ЕС у канцы лютага27

Які аклад будзе атрымліваць першы пасол пры Святым Пасадзе ў Ватыкане6

У Беларусі няма мора, але топяцца тут часцей, чым ва ўсім свеце3

больш чытаных навін
больш лайканых навін

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка48

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка

Галоўнае
Усе навіны →

Заўвага:

 

 

 

 

Закрыць Паведаміць