Сход апоўзня на курорце ў Грузіі. Загінулі 11 чалавек, шукаюць 25 чалавек
Паводле апошніх звестак, у выніку апоўзня, які сышоў у Шові 3 жніўня, загінулі 11 чалавек. Разбураныя былі масты, і пашкоджана дарога на ўездзе ў Шові. На гэты час ратавальнікі эвакуявалі 210 чалавек, а 25 чалавек шукаюць.
Пошукава-выратавальныя работы ў раёне сходу апоўзня на курорце Шові ў Грузіі працягваюцца. У аперацыі бяруць удзел 400 ратавальнікаў. Ім дапамагаюць 200 вайскоўцаў, аднавілі працы верталёты, паведамляе «Спутнік-Грузія».
Паводле апошніх звестак, у выніку апоўзня, які сышоў у Шові 3 жніўня, загінулі 11 чалавек. Разбураныя былі масты, і пашкоджана дарога на ўездзе ў Шові. На гэты час ратавальнікі эвакуявалі 210 чалавек, а 25 чалавек шукаюць.
«Ужо можна сказаць, што колькасць 25 чалавек, з якімі не ўдаецца звязацца дагэтуль, не вырасце. Наадварот, скароціцца», — сказаў кіраўнік службы па кіраванні надзвычайнымі сітуацыямі Цімур Мгебрышвілі.
Паводле даных Міністэрства аховы здароўя Грузіі, сур'ёзна пацярпелых падчас стыхійнага бедства няма, усім выратаваным аказалі дапамогу проста на месцы. Аднак у эпіцэнтры трагедыі працягваюць працу медыкі і прадстаўнікі Міжнароднай арганізацыі Чырвонага Крыжа.
Галоўная дапамога, паводле слоў міністра аховы здароўя Зураба Азарашвілі, цяпер патрабуецца сем'ям, якія шукаюць сваякоў, з імі пастаянна працуюць медыкі і псіхолагі.
У аперацыі бяруць удзел 400 ратавальнікаў, ім дапамагаюць 200 вайскоўцаў.
Ужо ўдалося расчысціць частку тэрыторыі пры дапамозе цяжкай тэхнікі і забяспечыць доступ да недаступных лакацый, дзе пошукавыя работы пачнуцца зранку 5 жніўня. Заўтра ж сваякі зніклых без вестак змогуць трапіць у эпіцэнтр бедства.
Паводле запэўнення Службы кіравання надзвычайнымі сітуацыямі на дадзены момант для пошукавых работ мабілізавана дастаткова ратавальнікаў і тэхнікі, і адзінай праблемай застаецца ўскладнены доступ да месца бедства.
Вайскоўцы далучыліся да ліквідацыі наступстваў апоўзня на курорце Шові.
Сход апоўзня справакавалі багатыя ападкі, раставанне леднікоў і селевыя патокі, заявіла старшыня парламенцкага камітэта ў пытаннях аховы навакольнага асяроддзя Майя Бітадзе. Спецыялісты сцвярджаюць, што на курорт Шові сышло каля 5 мільёнаў кубаметраў цвёрдай масы.
Небяспекі паўтарэння падобнага стыхійнага бедства ў Шові няма, кажуць эксперты.
Кліматычны і бальнеялагічны курорт Шові знаходзіцца на вышыні 1,5 тысячы метраў над узроўнем мора ў Онскім раёне (рэгіён Рача-Лечхумі і Квема Сванеці).
Абноўлена. Па інфармацыі на 19.00 загінулых ужо 16.
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца15
Каментары