«Ведаю толькі тое, што выжыў». Джордж Буш падзяліўся ўспамінамі аб Прыгожыне
Выданне The Washington Post узяло каментар у былога прэзідэнта ЗША Джорджа Буша наконт яго ўражанняў ад Яўгена Прыгожына, які ў мінулым абслугоўваў Буша падчас перамоў з Пуціным.
Былы прэзідэнт ЗША Джордж Буш «са здзіўленнем успомніў», што калісьці яго асабіста абслугоўваў загінулы кіраўнік ПВК «Вагнер» Яўген Прыгожын. Буш вырашыў падзяліцца гэтымі ўспамінамі, калі на мінулых выхадных яго аб гэтым адкрыта спыталі журналісты выдання The Washington Post.
Па словах былога прэзідэнта ЗША, той дакладна не памятае сустрэчы з Прыгожыным, але не здзіўлены ягонай смерцю. Буша больш шакуе той факт, што Прыгожын калісьці падаваў яму ежу.
«Мяне не здзівіла ягоная смерць. Мяне больш шакавала тое, што днямі я ўбачыў свой фотаздымак з саміту G8 у Санкт-Пецярбургу, дзе гэты чалавек падаваў мне ежу. Ён быў кухарам Пуціна.
Ведаю толькі тое, што я выжыў пасля сустрэчы з ім», — успамінае з іроніяй Джордж Буш.
Самога Пуціна былы прэзідэнт ЗША ахарактарызаваў як «хітрага палітыка, які не баіцца выкарыстоўваць уладу». На думку Буша, Пуцін стаў яшчэ больш магутным, чым гэта было падчас ягонага прэзідэнцтва.
«З часоў майго прэзідэнцтва Пуцін стаў яшчэ больш магутным, але цяпер ён адкусіў больш, чым зможа праглынуць. Перажыве ён паражэнне ў вайне ва Украіне ці не — вырашаць расіянам, бо яны разумныя людзі», — адзначыў Джордж Буш.
Ён таксама дадаў, што ЗША і іншыя краіны павінны працягваць падтрымліваць Украіну ў яе барацьбе супраць Расіі і даць украінцам усё, што патрэбна для іх перамогі.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі17
Каментары