У вінаградара з Пінскага раёна ягада вырасла памерам з курынае яйка
У Пінску правялі конкурс «Бурштынавая гронка вінаграду — 2023». У ім у намінацыі «Самая буйная ягада» перамог Аляксандр Багатка з вёскі Купяцічы Пінскага раёна. Вага вінаградзіны сорту «Эверэст», прадстаўленай на конкурс Аляксандрам, склала 31,78 грама, піша «Медыя-Палессе».
Па памеры гэтую вінаградзіну можна параўнаць з курыным яйкам.
Як расказаў Аляксандр Багатка, вінаградам ён займаецца каля 10 гадоў. Вырошчвае каля 45 яго сартоў.
«Нешта дасаджваю, нешта прыбіраю, гэта працэс пастаянны, — дзеліцца сакрэтамі вінаградар. — Гляджу, ці падыходзіць зямля. Самым ураджайным сёлета, і не толькі ў мяне, стаў сорт «Памяці настаўніка».
Дарэчы, згаданы сорт «Памяці настаўніка» заняў першае месца ў намінацыі «Самая буйная гронка». Яна заважыла 2 кг 240 г, а вырасціў яе Аляксандр Бісултанаў з Пінска.
У конкурсе ўдзельнічалі вінаградары не толькі з Пінскага раёна і горада Пінска, але і са Століна, Давыд-Гарадка, Бярозы, Брэста.
Сярод удзельнікаў выставы фермераў не было, адны аматары. Гэта для іх больш хобі. Але ўвогуле ў Беларусі цяпер ёсць і вінаградары, якія зарабляюць на гэтым. Яны ставяць вялікія цяпліцы і высаджваюць раннія гатункі вінаграду, таксама яны прадаюць і саджанцы.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане3
Каментары