Яму было 82 гады.
Памёр акцёр Майкл Гэмбан, вядомы па ролі Дамблдара ў фільмах пра Гары Потэра. Ён здымаўся ў ролі чараўніка — дырэктара «Хогвартса», пачынаючы з трэцяй часткі фільма — «Гары Потэр і вязень Азбакана».
«Мы спустошаныя, паведамляючы пра страту сэра Майкла Гэмбана», — гаворыцца ў заяве жонкі і сына акцёра. Яны паведамілі, што Гэмбан памёр у бальніцы пасля прыступу пнеўманіі ў атачэнні блізкіх.
Сэр Майкл Гэмбан нарадзіўся ў 1940 годзе ў Дубліне (Ірландыя). Ён чатыры разы атрымліваў тэлепрэмію BAFTA як найлепшы акцёр (1987, 2000, 2001, 2002), быў намінаваны на прэміі «Эмі» (2002) і «Залаты глобус» (2003) і атрымаў мноства прэмій розных кінематаграфічных гільдый.
Пасля таго як акцёр паступіў на працу ў Брытанскі нацыянальны тэатр, яго кар'ера пайшла ўверх. У той час тэатрам кіраваў сэр Лорэнс Аліўе, а Гэмбан удзельнічаў у пастаноўках п'ес Алана Эйкбарна. Вядомасць да Гэмбана прыйшла ў 1980-я, калі ён сыграў у пастаноўцы «Жыццё Галілея».
Пачынаючы з гэтага часу акцёр рэгулярна з'яўляўся на сцэне Каралеўскага нацыянальнага тэатра, дзе сыграў такіх персанажаў, як кароль Лір, Атэла і Марк Антоній.
Гэмбан таксама сыграў у фільмах «Сонная лагчына», «Госфард-парк» і «Кароль прамаўляе!», у серыялах «Эма» і «Доктар Хто».
Поўную фільмаграфію Майкла Гэмбана можна пабачыць тут.
-
Netflix расказаў пра неверагодны поспех серыяла «Вельмі дзіўныя справы». Серыял уплывае на ўсе сферы жыцця
-
На Захадзе выбухнуў серыял пра каханне расійскага і канадскага хакеістаў
-
Акцёр папулярнага серыяла «Вельмі дзіўныя справы» паўтара года не прызнаваўся пра здымкі. Казаў, што грае ў дакументалцы пра маянэз
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары