Чытач выдання Onlíner Павел пабачыў у мінскай краме цану за бляшанку дзіцячага харчавання ў нуль рублёў нуль капеек. І пайшоў яе купляць. Што было далей, расказаў ён сам.
На касе Паўлу прабілі дзіцячае харчаванне па 2,09 рубля за кожную бляшанку. Пасля чаго ён накіраваўся ў інфацэнтр дамагацца справядлівасці.
«У інфацэнтры я спытаў у супрацоўніцы: ці абавязаныя мне прадаць тавар па названай цане? Атрымаўшы станоўчы адказ, я паказаў работніцы фота і чэк. Дзяўчына паблякла тварам і пачала гаварыць пра тэхнічны збой, стала прасіць прабачэння. Прыйшлося супакоіць словамі, што я не патрабую вяртання грошай, толькі трэба быць больш уважлівымі».
Гэта ўжо не першы раз, калі чытачы «Анлайнера» трапляюць у такія сітуацыі. У пачатку мінулага года хлопец па імені Азамат дзяліўся гісторыяй, што знайшоў у «Еўраопце» такі цэннік на алкаголь, але прадавец адмовілася аддаць тавар.
Юрыст Іван Райкевіч, каментуючы гэту сітуацыю, адзначае, што ў прынцыпе прадавец абавязаны рэалізаваць тавар па цане, названай на цэнніку.
Але калі пакупнік не атрымае тавар бясплатна і звярнецца з-за гэтага ў суд, то ягоныя шанцы выйграць справу ўсё ж невялікія.
«У гэтым выпадку адсутнічае эканамічная выгада для прадаўца і маецца тэхнічны збой (што прадавец абавязкова засведчыць), інфармацыя аб няправільна названай цане даведзеная да спажыўца. Як паказвае практыка, у такіх выпадках спажыўцу, верагодна, будзе адмоўлена ў задавальненні яго патрабаванняў», — растлумачыў юрыст.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары
🕵 Што за абы-што?! Расейскамоўны «ОнлайнерьЪ» ня здольны чытаць на сваей роднай моўцы? На цэньніку (з рэклямных мэтаў) праваруч найвыразьнейша ж напісана: «Цена за 0 шт 0р 00к». Дык хай бы прадавіца адсыпала іхняму манкурту «прафторубу» нуль штук цэлую валізішчу. І яшчэ дадала б (па — закрэсьлена) у шапку❗