Мірнае насельніцтва Газы практычна пазбаўлена магчымасці адтуль выбрацца, нават у Егіпет
Для таго, каб трапіць з Газы ў Егіпет, палесцінцам неабходна атрымаць дазвол свайго міністра ўнутраных спраў як мінімум за два дні да пераходу мяжы, каб іх імя было ў спісе. Але паколькі ўрадавыя будынкі зачыненыя, атрымаць дазвол няма як.
Хоць мяжа з Егіптам і не перакрытая цалкам, але ў абодва бакі прапускаюць не больш за 400 чалавек у дзень і толькі тых, хто атрымаў папярэдняе адабрэнне да пачатку цяперашніх сутыкненняў, піша Бі-бі-сі.
Цяпер і гэтая магчымасць, па ўсёй бачнасці, знікла: раніцай аўторка прадстаўнік ЦАХАЛ раіў выбірацца з Газы праз адзіны прапускны пункт «Рафах» на мяжы з Егіптам, але пазней Армія абароны Ізраіля змяніла свае рэкамендацыі, паведаміўшы, што КПП зачынены.
Закрыццё КПП Рафах да далейшых распараджэнняў пацвердзіла агенцтву DPA крыніца ў егіпецкіх службах бяспекі, паведамляе Al Jazeera.
Для таго каб трапіць з Газы ў Егіпет, палесцінцам неабходна атрымаць дазвол свайго міністра ўнутраных спраў як мінімум за два дні да пераходу мяжы, каб іх імя было ў спісе.
Ніводзін чалавек з тых, чыйго імя няма ў спісе, перасекчы мяжу сектара не зможа.
Паколькі ўсе адміністрацыйныя будынкі ў Газе, у тым ліку і мясцовага МУС, альбо зачыненыя, альбо разбураныя, дадаць у спіс больш нікога нельга.
Звычайным грамадзянам ужо даўно нялёгка выбрацца з Газы, асабліва пасля пачатку дзеянняў у адказ з боку Ізраіля. Для большасці адзінае выйсце — гэта школы пад эгідай ААН.
ААН заяўляе, што гэтыя часовыя сховішчы ўжо запоўненыя на 90% і не могуць змясціць большую колькасць людзей.
Цяпер чытаюць
Хто забараняе ў Беларусі кнігі — вось гэтыя 22 чалавекі26
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары