«Беларуская прэса займае выразную антыізраільскую пазіцыю».
Ізраільская грамадская вяшчальная карпарацыя KAN, адзін з найбольш уплывовых СМІ Ізраіля, таксама звярнула ўвагу на наратывы афіцыйнай беларускай прапаганды.
Увагу тэлевяшчальнай карпарацыі прыцягнула публікацыя ў тэлеграм-канале «Жоўтыя злівы», у якой лукашысты назвалі фэйкам навіну аб знаходцы на поўдні Ізраіля целаў 40 забітых ХАМАС ізраільскіх дзяцей, частка з якіх была абезгалоўленая.
«Антыізраільская прапаганда ў Беларусі працягваецца. Адзін з рэсурсаў, звязаных з апаратам Аляксандра Лукашэнкі, заяўляе, што масавыя забойствы мірных жыхароў, у тым ліку дзяцей, на поўдні Ізраіля з'яўляюцца «выдумкай ізраільскіх журналістаў, пра якую ЦАХАЛ нічога не ведае». Пры гэтым ЦАХАЛ учора паказаў замежным журналістам, што гэтая бойня сапраўды адбылася.
Варта адзначыць, што беларуская прэса займае выразную антыізраільскую пазіцыю, і ў адным з яе рэдакцыйных артыкулаў адзін аўтар нават заклікаў скінуць атамную бомбу на Ізраіль», — заявіла 11 кастрычніка ізраільская тэлевяшчальная карпарацыя KAN.
Нагадаем, што заклік скінуць атамную бомбу на Ізраіль разам з заявамі пра тое, што дзеянні ХАМАС «з'яўляюцца перамогай Масквы і Мінска», нядаўна прагучалі ў артыкуле лукашэнкаўскага выдання «Мінская праўда», які напісаў прапагандыст расійскага Russia Today Ігар Молатаў.
Пасля агалоскі скандальны артыкул выдалілі, аднак яго паспелі заўважыць ізраільскія СМІ.
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым5
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
"Пропаганда и террор в Израиле. Почему лукашенковский ХАМАС должен быть уничтожен" дзеля большага ахопу. Там вельмі добры матэрыял па агляду лукашэнкаўскай анты ізраільскай прапаганды па стану на 09.10.2023.
Упэўнены што і ізраільскім медыя гэта будзе цікава. Вас чытаюць у Ізраілі.