Грамадства1818

«Мы дойдзем да канца. Будуць яшчэ затрыманні, будуць яшчэ крымінальныя справы» — намеснік міністра ўнутраных спраў Казакевіч

Генадзь Казакевіч у эфіры тэлеканала АНТ пракаментаваў апошнія затрыманні кіраўніцтва «Бабушкиной крынки» і Бярозаўскага мясакансервавага камбіната.

Намеснік міністра Генадзь Казакевіч. Фота: тэлеграм-канал Унутраных войскаў МУС

Закранаючы карупцыйную справу на Бярозаўскім мясакансервавым камбінаце, намеснік міністра ўнутраных спраў — начальнік крымінальнай міліцыі назваў яго класічным фактам сістэмнай дзелавой карупцыі. 

«Мы дойдзем да канца ў сферы перапрацоўкі і мяса, і малака. Будуць яшчэ затрыманні, будуць яшчэ заведзеныя крымінальныя справы», — паабяцаў начальнік крымінальнай міліцыі.

Паводле яго словаў, знайшоўся прадпрымальнік, які пастаўляў на прадпрыемства дабаўкі для вытворчасці мясных вырабаў. Аналагічная схема да гэтага была выяўлена пры пастаўках запасных частак і ветпрэпаратаў.

«Знаходзіцца камерсант, які робіць карупцыю часткай свайго бізнесу. Іншымі словамі, для ажыццяўлення сваёй маркетынгавай стратэгіі, прасоўвання тавару для яго цалкам нармальна даць хабар. З іншага боку сядзіць несумленны кіраўнік, для якога гэтак жа нармальна хабар узяць», — растлумачыў Генадзь Казакевіч.

На яго думку, такія дзеянні аказваюць негатыўны ўплыў на эканоміку, бо завышаны кошт тавару кладзецца на сабекошт.

«Усё гэта ў канчатковым выніку ўплывае на прывабнасць прадукцыі. Мы потым думаем, як жа прадаць яе на знешнім ці ўнутраным рынках», — адзначыў Генадзь Казакевіч.

Ён дадаў, што карупцыйная схема працавала цягам 15 гадоў.

«Паважаны кіраўнік цяпер знаходзіцца ў СІЗА. Камерсант, сфера дзейнасці якога ахоплівала ўсю рэспубліку (Бярозаўскі мясакамбінат — толькі адзін эпізод, былі іншыя камбінаты ў іншых абласцях рэспублікі), таксама знаходзіцца ў СІЗА і дае паказанні. І мы дойдзем да кожнага, каго закранула гэтая карупцыйная схема».

Першая інфармацыя пра арышты кіраўнікоў некалькіх малаказаводаў прыйшла 1 лістапада. У рамках маштабнай «малочнай справы» былі затрыманыя ў тым ліку генеральны дырэктар «Бабушкиной крынки» Генадзь Скітаў і кіраўнік Бярозаўскага мясакансервавага камбіната Уладзімір Жуковіч. Як адзначаў старшыня КДБ Іван Церцель, усяго па справе было затрымана 26 чалавек, на цяперашні момант 15 арыштаваны.

«Наша Нiва» — бастыён беларушчыны

ПАДТРЫМАЦЬ

Каментары18

  • Liberty
    03.12.2023
    Ну калі да канца, то пачынайце з гаварашчай галавы. Адкуль 18 рэзідэнцый, падарункі ад маска, 80% прапаўшых бюляценей. Усім даўно вядома што краіна жыве з двайной бухгалтэрыяй і ўсе адкаты ідуць праміком у Дразды. Адкуль грошы на навучаньне Колі ў Пякіне калі ў краіне не да законаў? Яго хтось афіцыйна туды накіроўваў? Я ўжо маўчу за чый банкет тпымалася на нашай тэрыторыі чужая армія і яе лекаваньне. Альбо здымай пагоны - альбо здрада Радзіме, выбар невялікі, але час яшчэ ёсьць покуль уласнікі прапаўшых 2 млд.$ на год толькі па Салігорскім камбінаце (за 30 год = 60млд.) не падалі ў суд. А рпзглядаць багата чаго прыйдзецца)
  • о
    03.12.2023
    Когда уже дойдут до причастных к исчезновению Гончара, Захаренко...?
  • Максім Рыжэнкоў казаў п’яны
    03.12.2023
    Liberty , і адкуль даплаты гатоўкай міністрам ад УКіраўніцтва справамі прэзідзента? Усім вядома, што даплаты існуюць! Латушка не першы пра гэта казаў!

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Mark Formelle аб'явіў пра маштабны рэбрэндынг8

«А пятай раніцы спаць ужо немагчыма». Мінчук паскардзіўся ў Мінгарвыканкам на сабачы брэх

З-пад Пінска на Валынь сёння заляцеў паветраны зонд. Украіна лічыць гэта наўмыснай аперацыяй1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча4

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць