Як на еўрапейскіх спусках. Мінчанка пракацілася на сноўбордзе ў адным купальніку
Смелая мінчанка, блогерка і маці пяцярых дзяцей днямі пракацілася на сноўбордзе ў «Сілічах» у адным толькі ярка-ружовым купальніку. Відэа гарачай паездкі яна выклала ў інстаграме.
Дзяўчыну клічуць Яна Чадовіч. У каментарах пад відэа чытачы шчодрыя на кампліменты: «Выдатны лыжны гарнітур, яркі і па стане», «Клас! Усе сноўбардысты побач пападалі, разявіўшы раты!», «Каралева эпатажу зусім не Лэдзі Гага, гэта Яна!»
Вядома, былі і тыя, хто занепакоіўся здароўем мінчанкі: пасля такіх пакатушак і захварэць можна.
— У мяне даўно была ідэя зняць такі ролік: мне часта трапляліся падобныя відэа з еўрапейскіх гарналыжных курортаў. Я вырашыла іх паўтарыць. Тым больш як блогерцы мне стала цікава, ці заляціць ён у рэкамендацыі, — распавяла Onliner Яна. — Дома я надзела купальнік пад тэрмабялізну з думкай аб тым, што наўрад ці рашуся, але хай будзе на ўсялякі выпадак.
Праз тры гадзіны катання дзяўчына ўсё ж вырашылася. Гаворыць, што на той момант ужо разагрэлася і таму ёй было нават горача.
— Спуск заняў адну хвіліну, таму змерзнуць не паспела, дый адрэналін не даў.
Па словах Яны, рэакцыя людзей вакол была пазітыўнай: людзі на падʼёмніках свісталі і падбадзёрвалі, а тыя, што былі на схіле, спыніліся і чакалі, калі дзяўчына праедзе.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў3
Каментары
Кажется, я влюбился <3