«Луч» выпусціў гадзіннік у гонар Васіля Быкава і абвясціў з гэтай нагоды творчы чэлендж
Брэнд «Луч» прадставіў калекцыю гадзіннікаў «Асоба. Васіль Быкаў», прысвечаную 101-годдзю з дня нараджэння народнага пісьменніка Беларусі. Усяго будзе 200 экзэмпляраў гадзіннікаў лаканічнага дызайну.
Як адзначаюць у кампаніі, дызайн перадае стрыманасць і глыбіню думкі пісьменніка, адлюстроўваючы ўстойлівасць, мужнасць і сілу слова, якое гучыць праз пакаленні.
«Гэта не проста гадзіннік. Гэта гісторыя, што жыве ў часе.
Калекцыя «Асоба. Васіль Быкаў» — у гонар чалавека, чые словы сталі вечнымі.
Васіль Быкаў пісаў пра самыя цяжкія і лёсавызначальныя моманты XX стагоддзя. Вялікая Айчынная вайна стала галоўнай тэмай яго твораў — эпоха, дзе чалавек сутыкаўся з выпрабаваннем на трываласць, маральны выбар і цану чалавечага жыцця. У сваіх пазнейшых творах ён разважаў пра ўплыў гісторыі на лёс чалавека, пра складаныя выбары, якія людзі робяць у крытычныя моманты», — пішуць стваральнікі гадзіннікаў.
Гэта будзе абмежаваны выпуск — толькі 200 экзэмпляраў.
Цана — 599 рублёў.
Акрамя таго, кампанія абвясціла з гэтай нагоды творчы чэлендж «Чытаем Быкава».
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне67
Каментары