У Мінскім раёне ў вёсцы Багушова 23 сакавіка «эксперымент» з самаробнай выбуховай прыладай скончыўся для 11-гадовага хлопчыка з Мазыра цяжкімі траўмамі і тэрміновай шпіталізацыяй, паведамляе СК.
Раніцай у нядзелю двое школьнікаў — адзін з іх мясцовы, другі прыехаў на лецішча разам з бацькамі са сталіцы — знайшлі ў старым хляве металічную трубку і вырашылі правесці «эксперымент».
Дзеці запоўнілі прадмет рыбалоўнымі грузікамі і серкай ад запалак, пасля чаго паспрабавалі падпаліць самаробную «зброю».
Вынік дзіцячай забавы — выбух прылады прама ў руцэ аднаго з падлеткаў, які атрымаў сур’ёзныя траўмы. Хлопчыка тэрмінова шпіталізавалі. На шчасце, другі падлетак не пацярпеў.
Устаноўлена, што абодва школьнікі — з добрых сем’яў і раней у поле зроку праваахоўнікаў не траплялі.
Падрабязнасці здарэння высвятляюцца. Медыкі змагаюцца за здароўе хлопчыка.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым5
Каментары