Аляксандр Куўшынаў расказаў, каму пойдуць грошы, аддадзеныя за гадзіннік Франака Вячоркі
Бізнэсмен Аляксандр Куўшынаў, які перамог на зладжаным Франакам Вячоркам аўкцыёне па продажы скандальнага дарагога гадзінніка і заплаціць за яго 5000 даляраў, паведаміў у фэйсбуку, каму ён, згодна з ранейшай дамоўленасцю, гэтыя грошы перавядзе.
Куўшынаў паведаміў, што грошы пойдуць на патрэбы дзвюх беларускіх ініцыятыў у Вільні:
- Razam — фонд, які дапамагае беларусам у Літве, ладзіць культурніцкія мерапрыемствы і вядомы сваёй тэатральнай студыяй.
- Віленскі беларускі музэй імя Івана Луцкевіча, у якім ладзяцца выставы, лекцыі, канцэрты, працуе школа выхаднога дня, дзе займаюцца дзясяткі беларускіх дзетак, якія вымушана пакінулі Радзіму.
«Усе гэтыя ініцыятывы выжываюць дзякуючы данатам, і часта такім раптоўным, як мой», — адзначае бізнэсмен і нагадвае, што ў беларусаў, якія жывуць у Польшчы і Літве, ёсць магчымасць падтрымліваць беларускія ініцыятывы цалкам бяспечна і нават не заплаціўшы за гэта ні капейкі.
Калі вы плаціце падаткі ў Літве ці Польшчы, то 1,2—1,5% ужо аплачанага падаходнага падатку за мінулы год можна пераразмеркаваць на карысць беларускіх арганізацый.
«Простая матэматыка — 4000 беларускіх айцішнікаў заплацілі летась у Літве каля 100 мільёнаў еўра падаткаў. То-бок мы можам накіроўваць больш за 1 мільён еўра штогод на беларускія праекты. А калі ўсе 50 000 беларусаў з ДНЖ у Літве зрабілі б тое ж — сума была б у разы большай», — піша Куўшынаў.
А «Наша Ніва» падрыхтавала падрабязныя гайды, як гэта практычна здзейсніць як у Польшчы, і ў Літве.
Як падаць падатковую дэкларацыю ў Польшчы ці Літве і падтрымаць «Нашу Ніву»
Пералічыце 1,5% падаходнага на беларускую справу. Інакш дзяржава скарыстае тыя грошы сама
Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як
Калі вы ў Літве, то можаце за хвіліну падтрымаць «Нашу Ніву» падаходным падаткам, не патраціўшы сваіх грошай. Вось як
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
Уладкуй лепш нашых людзей у сябе, каб на панэлях не стаялі і не пабіраліся праз тыя Фрыдам Гаўсы. Навучы, дай магчымасць, пастаў хоць намінальны заробак - людзі і падатак потым сваім адсцягнуць, і будуць з удзячнасцю пахаць, і не будуць жабрачыць.
Ішоў пяты год "змагання"!