У Літве не пабудуюць нацыянальны стадыён. Бо інвестар прайграў $18 мільёнаў у казіно
Пройгрыш у казіно адным з кіраўнікоў інвестыцыйнага фонду паставіў пад пагрозу будаўніцтва Нацыянальнага стадыёна ў Літве, а таксама нанес страты пенсійным фондам некалькіх краін Балтыі.
Як піша Reuters, кампаніі, якія належаць BaltCap, найбуйнейшаму упраўляючаму фондамі прамых інвестыцый у краінах Балтыі, падаюць у суд на былога супрацоўніка, які незаконна прысвоіў 16,7 мільёнаў еўра (каля 18 мільёнаў долараў).
Абвінавачаны — былы прэзідэнт кампаніі BaltCap Шарунас Сцепуконіс (Šarūnas Stepukonis). Растраты былі выяўлены восенню мінулага года ў ходзе рэгулярнай праверкі. У лістападзе кампанія разарвала кантракт з Сцепуконісам. Пазней літоўская пракуратура паведаміла, што пачалося крымінальнае расследаванне па факце незаконнага прысваення актываў. Расследаванне праводзіць Еўрапейская пракуратура (EPPO).
У абвінавачванні гаворыцца аб тым, што Сцепуконіс незаконным шляхам завалодаў грашыма з рахункаў трох кампаній, кіраўніком якіх ён з'яўляўся, і размясціў гэтыя сродкі на рахунках літоўскіх і эстонскіх аператараў казіно.
Фонд BaltCap зарэгістраваны ў Эстоніі ў 2017 годзе. У яго інвеставалі Еўрапейскі банк рэканструкцыі і развіцця і Еўрапейскі інвестыцыйны банк. Апошні зʼяўляецца крэдытным падраздзяленнем ЕС, гэта тлумачыць, чаму справай займаецца Еўрапейская пракуратура, а не пракуратура канкрэтнай краіны.
Фонд BaltCap інвеставаў у разнастайныя праекты ў Літве, Латвіі. Дзеянні Сцепуконіса прывялі да таго, што эстонскі пенсійны фонд Swedbank вымушаны быў спісаць пятую частку сваіх інвестыцый — 2 мільёна еўра. Паведамляецца аб тым, што страты панеслі і літоўскія пенсійныя фонды.
Наступствы для Нацыянальнага стадыёна Літвы
Адна з кампаній, якая ўваходзіць у BaltCap, зʼяўляецца канцэсіянерам будаўніцтва нацыянальнага стадыёна Літвы ў Вільні.
Будаўніцтва стадыёна — адзін з літоўскіх даўгабудаў. Яго гісторыя пачалася яшчэ за савецкім часам. Як піша lrt.lt, першы раз работы пачаліся ў 1987 года, але былі спынены праз шэсць гадоў. У 2008 годзе ў праект інвеставалі 33 мільёны еўра. Але і на гэты раз работы былі спынены.
Незавершаны будынак стадыёна быў знесены ў 2022 годзе. У маі 2023 года пачалося будаўніцтва па новым праекце. У снежні стала вядома, што працы на стадыёне прыпыненыя. Кампанія вядзе перамовы з уладамі гораду аб індэксацыі цэн і паралельна намагаецца вярнуць грошы, якія прайграў Сцепуконіс.
Як піша Reuters, прадстаўнікі кампаній, якія належаць BaltCap, падалі ў суд на два казіно з патрабаваннем кампенсаваць страты. Яны лічыць, што прадугледжаны законам сістэмы абароны і папярэджання супраць адмывання грошай і паталагічных схільнасцей да азартных гульняў у гэтых казіно не працуюць.
Чытайце яшчэ:
У Гомелі брат скраў у сястры 12 тысяч еўра і патраціў на прастытутак і казіно
Беларус выйграў у покер больш за 7 мільёнаў даляраў
Мінчук за суткі скраў 39 тысяч рублёў і ўсё прайграў у казіно
Каментары