Суд Хабараўска абвясціў экстрэмісцкім рух у падтрымку папулярнага экс-губернатара краю, асуджанага да 22 гадоў калоніі
Хабараўскі краявы суд абвясціў экстрэмісцкай арганізацыяй «рух «Я/Мы Сяргей Фургал» і забараніў яго дзейнасць у РФ.
Пракуратура палічыла, што рух прыхільнікаў былога губернатара Хабараўскага краю Сяргея Фургала «пад прыкрыццём ідэй абароны і падтрымкі былога губернатара рэгіёна ажыццяўляе экстрэмісцкую дзейнасць».
У ведамстве лічаць, што «рух «Я/Мы Сяргей Фургал» імкнецца змяніць уладу ў РФ гвалтоўным шляхам, заснаваны на ідэалогіі, якая распальвае варожасць да прадстаўнікоў улады, «разбурае прававыя асновы і каштоўнасці грамадства».
Сяргей Фургал быў губернатарам Хабараўскага краю ў 2018-2020 гадах. Яго затрымалі ў ліпені 2020 года, абвінаваціўшы ў датычнасці да заказных забойстваў.
Жыхары Хабараўскага краю ладзілі шматтысячныя акцыі пратэсту пасля затрымання абранага імі губернатара. Пратэсты ў яго падтрымку лічацца самымі працяглымі ў найноўшай гісторыі Расеі.
Сяргея Фургала асудзілі да 22 гадоў калоніі строгага рэжыму.
Пашпарт Новай Беларусі пачнуць выдаваць з 26 студзеня. Што вядома і як атрымаць?84
Каментары