Амерыканскі вайсковец падпаліў сябе ля пасольства Ізраіля ў Вашынгтоне. Ён крычаў «Свабоду Палесціне!»
Супрацоўнікі Сакрэтнай службы ЗША патушылі агонь, пацярпелага даставілі ў бальніцу з пагражаючымі для жыцця траўмамі.
Вайсковец амерыканскіх ВПС падпаліў сябе перад пасольствам Ізраіля ў Вашынгтоне, паведамляюць экстранныя службы ЗША. Перад тым, як гэта зрабіць, ён пачаў крычаць «Свабоду Палесціне!».
Супрацоўнікі Сакрэтнай службы ЗША патушылі агонь, пацярпелага даставілі ў бальніцу з пагрозлівымі для жыцця траўмамі, паведамілі ў гарадской пажарнай службе. Цяпер ён знаходзіцца ў крытычным стане.
Амерыканскія СМІ са спасылкай на прадстаўніка ВПС ЗША паведамілі, што мужчына знаходзіцца на вайсковай службе.
Паліцэйскае ўпраўленне Вашынгтона, амерыканская Сакрэтная служба і іншыя праваахоўныя органы вядуць расследаванне.
У заяве паліцыі Вашынгтона гаворыцца, што інцыдэнт адбыўся ў нядзелю каля 13:00 па мясцовым часе на вуліцы Інтэрнэшнл-драйв.
Акрамя пасольства Ізраіля, у гэтым раёне знаходзяцца дыпламатычныя прадстаўніцтвы некалькіх дзяржаў, у тым ліку Егіпта, Марока, Нігерыі, Бангладэш і Сінгапура. Раён размешчаны ўсяго за 6 км ад Белага дома.
Як паведамляюць амерыканскія СМІ, перад тым, як падпаліць сябе, мужчына казаў, што «больш не хоча ўдзельнічаць у генацыдзе», а затым пачаў крычаць «Свабоду Палесціне!».
Прэс-сакратар ізраільскага пасольства паведаміла газеце New York Times, што ніхто з супрацоўнікаў прадстаўніцтва не пацярпеў.
У заяве Міністэрства замежных спраў Ізраіля гаворыцца, што персанал амбасады не быў знаёмы з чалавекам, які падпаліў сябе.
Гэта ўжо не першы выпадак самаспалення перад будынкам ізраільскай дыпламатычнай місіі ў ЗША.
У снежні мінулага года чалавек абліў сябе бензінам і падпаліў перад консульствам Ізраіля ў амерыканскім штаце Джорджыя. Па словах паліцыі, на месцы здарэння быў знойдзены палесцінскі сцяг.
«Такое было, калі Гітлер вырашыў забіць габрэяў». Прэзідэнт Бразіліі параўнаў вайну ў сектары Газа з Халакостам
Ізраіль абвясціў дату штурму Рафаха, калі ХАМАС не вызваліць закладнікаў
ЦАХАЛ сцвярджае, што знайшоў закінутую схованку лідара ХАМАС у сектары Газа ВІДЭА
Палесціна назвала Расію апорай у сваёй барацьбе
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта15
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары