Спорт11

52-гадовы Ярамір Ягр забіў гол у чэмпіянаце Чэхіі і паставіў сусветны рэкорд

Гэта сёмы сезон для Яраміра пасля вяртання з НХЛ.

Ярамір Ягр. Фота: Instagram/rytirikladno

52-гадовы форвард «Кладна» Ярамір Ягр выйшаў на лёд у сустрэчы плэй-оф за права застацца ў чэшскай Экстралізе з ХК «Всецін». На 2-й хвіліне першага перыяду Ягр адкрыў лік у матчы, закінуўшы сваю першую шайбу ў гэтым сезоне.

У другім перыядзе чэшскі форвард адзначыўся выніковай перадачай. Сустрэча завяршылася перамогай «Кладна» з лікам 7:2.

Як паведамляе журналіст Здэнек Янда на сваёй старонцы ў Х, Ягр стаў самым узроставым дзейным хакеістам, які згуляў у прафесійнай лізе. Яраміру 52 гады і 63 дні. Ён палепшыў вынік Гордзі Хоу, які ва ўзросце 52 гадоў і 11 дзён гуляў у НХЛ.

У рэгулярным сезоне-2023/2024 за «Кладна» Ягр згуляў 15 матчаў, у якіх аддаў чатыры выніковыя перадачы. Гэта сёмы сезон для Яраміра пасля вяртання з НХЛ. Ягр пачаў выступаць за «Кладна» з сярэдзіны сезона-2017/2018.

Легендарны форвард браў удзел у 1733 матчах рэгулярнага чэмпіянату НХЛ і набраў 1921 (766+1155) бал.

Ягр двойчы заваёўваў Кубак Стэнлі ў складзе «Пітсбург Пінгвінз» (1991, 1992).

Са зборнай Чэхіі ён станавіўся алімпійскім чэмпіёнам (1998) і двойчы — чэмпіёнам свету (2005, 2010).

Доўгі час хакеіст выступаў пад нумарам 68 у памяць пра савецкую акупацыю Чэхаславакіі ў 1968 годзе.

Каментары1

  • Žvir
    19.04.2024
    Zachrac Jaramir. Koļki mozna? Zaniaūsia b pčaliarstvam liepš, ci varyū by piva, napryklad...

Расія вызваліла зняволенага амерыканца ў рамках нейкай здзелкі з ЗША2

Расія вызваліла зняволенага амерыканца ў рамках нейкай здзелкі з ЗША

Усе навіны →
Усе навіны

Самы папулярны сабака ў Беларусі. Гісторыя «той самай Жужы з запраўкі»4

Што зменіцца на закрытым мосце ў цэнтры Мінска

Ланская на Занзібары, Дарафеева на Кубе, Сярога ў Швейцарыі: дзе адпачываюць зімой лукашэнкаўскія спевакі23

Эканоміку Іспаніі называюць найлепшай у свеце. Як гэта ўдалося?12

У Мінску грамадскі транспарт ідзе з адставаннем у графіку 20 хвілін

Маск прапанаваў амаль $100 мільярдаў за кантроль над OpenAI2

Ці будзе Беларусь плаціць рэпарацыі Украіне? Разважае эксперт39

Яшчэ адзін банк прапанаваў здымаць грошы на касах у крамах

Трамп увёў 25-працэнтныя пошліны на ўвесь імпарт сталі і алюмінію ў ЗША

больш чытаных навін
больш лайканых навін

Расія вызваліла зняволенага амерыканца ў рамках нейкай здзелкі з ЗША2

Расія вызваліла зняволенага амерыканца ў рамках нейкай здзелкі з ЗША

Галоўнае
Усе навіны →

Заўвага:

 

 

 

 

Закрыць Паведаміць