Гэта другі напад у каўказскай рэспубліцы за тыдзень.
Двое паліцыянтаў загінулі, чацвёра параненыя ўвечары ў нядзелю ў выніку нападу на нарад дарожна-паставой службы ў Карачаева-Чаркесіі, якія нападалі забітыя, паведамляе Бі-бі-сі.
Па даных паліцыі, у 23:20 нападнікі пад'ехалі на аўтамабілі ВАЗ-2109 да часовага паста ў пасёлку Мара-аягы, на якім знаходзіліся прыкамандзіраваныя паліцэйскія з Курганскай вобласці. Зламыснікі кінулі выбуховае прыстасаванне і адкрылі агонь з аўтаматычнай зброі.
«Супрацоўнікі паліцыі адкрылі агонь у адказ па тых, хто нападаў, пры гэтым на адным са злачынцаў спрацавала выбуховае прыстасаванне», — гаворыцца ў прэс-рэлізе паўночна-каўказскага ўпраўлення МУС.
«Пяцёра нападнікаў знішчаны на месцы», — сцвярджаюць у паліцыі. Загінулыя супрацоўнікі МУС — прыкамандзіраваны з Курганскай вобласці, у тым ліку падпалкоўнік, параненыя — двое супрацоўнікаў мясцовай дарожна-паставой службы мясцовы расгвардзеец і яшчэ адзін супрацоўнік Расгвардыі з Курганскай вобласці.
Пасёлак Мара-аягы знаходзіцца на ўскраіне Карачаеўска. У гэтым горадзе тыдзень таму, у ноч на 22 красавіка, быў здзейснены напад на паліцыянтаў на вуліцы Базарнай, калі яны выконвалі абыход тэрыторыі. Невядомыя адкрылі па іх страляніну, а затым выкралі іх табельную зброю.
У СКР заявілі, што «ліквідаваныя асобы» ў Мара-аягы апазнаныя як меркаваныя ўдзельнікі нападу на супрацоўнікаў паліцыі, учыненага 22 красавіка ў Карачаеўску.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары
У адрозненне ад нашай апазіцыі. Якую хутчэй можна назваць "псеўдаапазіцыяй", бо ніякіх крокаў па рэальнай барацьбе з рэжымам яд яе нябачна. Ніводзін рэжымны дзяяч за 4 гады не пацярпеў ад дзеянняў гэтай "апазіцыі". Хаця Лукашэнка ўжо адкрыта кажа, што вядзе грамадзянскую вайну супраць народа, і шмат людзей ужо забіў рукамі сваіх "сілавікоў".