«Такое можна ўбачыць толькі ў кіно». Эстонскі фатограф зняў навальніцу падчас паўночнага ззяння ФОТЫ
Фатограф эстонскага метэаралагічнага агенцтва здолеў зняць разрады маланкі падчас паўночнага ззяння. Фатаграфіямі незвычайнага спалучэння прыродных з'яў ён падзяліўся ў сацсетцы X, заўважыў Telegraf.news.
«Шчыра кажучы, я вельмі рады, але крыху засмучаны. Учора ўвечары мне ўдалося сфатаграфаваць і паўночнае ззянне, і асобныя навальніцы. На жаль, мае фатаграфіі аказаліся крыху не ў фокусе, наступным разам трэба быць больш уважлівым», — напісаў эстонскі фатограф Каір Кіцак у суправаджэнні да паста з фотаздымкамі ў Х.
Каментатары, аднак, не пагадзіліся і прыйшлі ў захапленне.
«Гэта сапраўдная фантастыка, гэта гром + паўночнае ззянне. Звычайна такое можна ўбачыць толькі ў кіно», — напісаў адзін з падпісчыкаў.
«Неверагодныя фатаграфіі! Убачыць гэта асабіста — неверагодны досвед!», — выказаўся яшчэ адзін каментатар.
«Гэтыя фота — адны з самых прыгожых выяў, якія я калі-небудзь бачыў», — захапіўся яшчэ адзін карыстальнік сацсеткі.
У небе над Беларуссю заўважылі незвычайнае свячэнне. Што гэта было?
У Івацэвіцкім раёне зафіксавалі незвычайную атмасферную з'яву. І гэта не паўночнае ззянне ФОТЫ
Над Беларуссю ноччу можна было любавацца паўночным ззяннем ФОТА
«На Шпіцбергене забаронена хаваць людзей». Беларуска расказала, як правяла 50 дзён у самым паўночным паселішчы свету
Чаму паўночнае ззянне складана пабачыць у Мінску?
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс20
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары