Усяго патроху

Агароднік пад Мінскам вырасціў гарбуз вагой ажно ў 315 кілаграмаў. Але да рэкорда не дацягнуўся

Усё пачалося з неафіцыйнага спаборніцтва. Летась Раман убачыў навіну пра тое, што жыхар Брэста вырасціў на сваім участку гарбуз вагой амаль паўтоны. Фатаграфіі залацістага гіганта, які вальяжна ляжыць на сонцы, ніяк не выходзілі ў мужчыны з галавы. Вельмі хутка батанічнае захапленне перарасло ў рашэнне: выгадаваць уласны цар-гарбуз, а яшчэ лепш — пабіць брэсцкі рэкорд, піша «Анлайнер».

Раман жыве ў Ратамцы ў сваім доме, участак зямлі ў яго ёсць, і вольнае месца на ім знайшлося. Таму, вывучыўшы тэарэтычную частку, мужчына ўзяўся за справу.

«Звычайны гарбуз да такога памеру ніколі не вырасце. Патрэбны спецыяльны сорт — «Атлантык гігант». Вывелі яго ў Амерыцы, адтуль насенне трапілі ў Расію, а потым ужо з Расіі — да нас. У мяне было ўсяго два зярняткі. Адно пасадзіў бліжэй да хаты, на сонцы. Іншае, запасное, — у канцы ўчастка», — расказвае Раман.

З такой малечы ўсё пачалося

Мужчына прызнаецца, што догляд за гарбузом-гігантам патрэбны асаблівы: без увагі і багатага паліву сапраўдны прыгажун не вырасце.

А яшчэ, беручыся за такую фітазадачу, трэба разумець, што ўсяго адзін гарбуз зойме каля 20 «квадратаў» зямлі: ад асноўнага ствала расліны адыходзяць шматлікія пасынкі, якія трэба ўкараняць. Дзякуючы такой разгалінаванай сістэме гарбуз атрымлівае мноства крыніц сілкавання. І расце, расце, расце.

Зрэшты, баяцца, што гарбуз захопіць увесь участак, не варта: працэс яго распаўсюджвання кантраляваны.

«Вага майго гарбуза прыкладна 315 кілаграмаў. Вырас ён такім прыкладна за 50 дзён. Падымаць і ставіць на вагі плод не спатрэбілася. Існуюць спецыяльныя табліцы, якія дазваляюць пераводзіць памер у вагу. Мой разліковы якраз такі. Думаю, калі рэальна ўзважыць, разыходжанне будзе невялікім — кілаграмаў з пяць.

На самай справе мой гарбуз мог вырасці яшчэ большым. Але я прапусціў момант, калі асноўны парастак занадта нацягнуўся, гарбуз проста адарваўся і перастаў як след сілкавацца, а значыць, і дадаваць у вазе.

У наступным годзе я працягну эксперымент і ўсё ж такі паспрабую вырасціць такі гарбуз, каб пабіць наяўны рэкорд у паўтоны. Балазе зярняты, якія выраслі ў гэтым гарбузе, прыдатныя для далейшага выкарыстання», — натхнёна гаворыць Раман.

Які далейшы лёс гарбуза? Мужчына прызнаецца, што дзеля жарту думаў зрабіць для дачкі карэту. А калі сур'ёзна, то ў найбліжэйшыя месяцы ўсе сябры і сваякі Рамана будуць забяспечаныя «гарбузовым наборам»: хопіць і на кашы, і на пірагі, і на сокі.

Каментары

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць