Афганец, які шмат гадоў жыве ў Беларусі, пастаянна эксперыментуе на агародзе пад Мінскам.
На Камароўскім рынку заўважаная лагенарыя. Гэтая незвычайная гародніна рэдка сустракаецца ў Беларусі, піша Tochka.by.
Спярша цана. Прадаюць лагенарыю па 5 рублёў за кілаграм.
Вырасцілі яе пад Мінскам беларуска Алеся і Хан, які нарадзіўся ў Афганістане. Мужчына даўно ў нашай краіне, пастаянна эксперыментуе на сваім агародзе, вырошчвае нехарактэрную для беларускага клімату гародніну. Лагенарыя — толькі адна з іх.
Што гэта за гародніна
Лагенарыю называюць па-рознаму: гарбуз, агурок, кабачок. На смак, кажуць, нешта сярэдняе паміж усімі гэтымі гароднінамі.
Плод у залежнасці ад падвіду і гатунку можа быць у даўжыню ад 30 см да 2 м. Вага таксама розная — да 32 кг.
Форма ў лагенарыі разнастайная. На Камароўцы прадаюць грушападобную.
Радзімай лічыцца Афрыка, тэрыторыя сучаснага Зімбабвэ. Адтуль культура распаўсюдзілася праз Сярэднюю Азію ў Кітай. Вырошчваюць лагенарыю звычайна ў трапічных і субтрапічных зонах.
З чым яе ядуць
Па вялікім рахунку гатаваць лагенарыю можна як звычайныя кабачкі або гарбуз.
Сямейная пара, якая прадае незвычайную гародніну на рынку, падзялілася рэцэптам.
Спярша неабходна абсмажыць цыбулю, затым дадаць туды свежыя таматы, а следам і лагенарыю. Тушыць некалькі хвілін. Пры жаданні можна гатаваць і з мясам. У канцы абавязкова дадаць часнык і якія-небудзь прыправы. Хан з Алесяй аддаюць перавагу індыйскім — напрыклад, зіру.
Дарэчы, па іх сцвярджэнні, лагенарыя добрая для страўнікава-кішэчнага тракту — яна паляпшае страваванне.
Цікава, што няспелыя плады можна выкарыстоўваць для захоўвання ежы або вады.
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава8
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4848
Каментары