Пуцін паабяцаў разабрацца з «бандытамі, якія забраліся ў Курскую вобласць»
Аперацыя Кіева ў Курскай вобласці праваліцца, і пасля гэтага Украіна захоча перайсці да перамоваў, заявіў Уладзімір Пуцін на адкрытым уроку «Размовы пра важнае» ў адной са школ Кызыла, піша РБК.
Пуцін зноў назваў дзеянні УСУ правакацыяй. Са слоў Пуціна, Расея ніколі не адмаўлялася ад перамоваў і вырашэння пытанняў мірнымі сродкамі.
«Але трэба, вядома, разабрацца з гэтымі бандытамі, якія забраліся на тэрыторыю Расійскай Федэрацыі, у Курскую вобласць, і са спробамі дэстабілізаваць сітуацыю ў памежжы агулам», — сказаў ён.
УСУ атакавалі Курскую вобласць, каб спыніць наступ Расіі на галоўных участках Данбаса, упэўнены Пуцін.
«Вынік вядомы? Так, вядомы. Перш за ўсё гэта тычыцца нашых людзей, людзі праходзяць праз цяжкія выпрабаванні, асабліва ў Курскай вобласці, але галоўнай задачы, якую ставіў праціўнік — спыніць наступ на Данбасе, — яны не дасягнулі».
Са слоў Пуціна, расійскія войскі на Данбасе бяруць пад кантроль тэрыторыі «не па 200-300 м, а квадратнымі кіламетрамі». Мінабароны Расіі рэгулярна паведамляе аб «заняцці новых населеных пунктаў у ДНР».
-
Германія запускае з Украінай сумесную вытворчасць дронаў-перахопнікаў і выдзяляе 1,35 млрд еўра дапамогі
-
У Тульскай вобласці ўзарвалі машыну расійскага вайскоўца, якога Украіна абвінавачвала ў катаваннях ваеннапалонных
-
Зяленскі заявіў, што балістычная ракета FP-9, здольная даляцець да Масквы, будзе гатова гэтай восенню
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары